İlk qış ayınıñ 28-29-nda işğal etilgen Qırımda yağğan qar sebebinden yollar temizlenmedi. Kommunal hızmetçilerine yollarğa qum taşlamağa yasaq ettiler, çünki "buzlavuq yoq", ve bu qum evlerde olavaq.
İlk qış ayınıñ 29-nda "Sarı şerit" cemaat narazılıq areketi bunı bildirdi.
Faalciler hatırlattılar ki, qar yağğan soñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Çornomorske ve Bağçasaray rayonlarında 17 biñ abonent elektriksiz qaldı. Aynı vaqıtta Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) çoq kilometrlik yük maşinaları tıqanıqlığı peyda oldı.
"Netice olaraq, telükeli yollar, naqliyat buhranı ve işğalli hızmetlerniñ insanlarğa nisbeten lâqaytlığınıñ daa bir delili bar", — dep "Sarı Şerit" qoştı.
Hatırlatamız ki, ilk qış ayınıñ 28-nde işğalciler şiddetli buzlavuq, sılaq qar ve saniyede 35 metrge qadar yel sebebinden fevqulâde telüke aqqında ilân ettiler. Sevastopolda (Aqyarda) deñiz seferleri lâğu etildi, yarımadadaki energetikler ise yüksek azırlıq rejimine keçirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
