Ukrayinada işğal etilgen Qırımdan eki sabıq prokuror devlet hainligi içün 13 ve 12 yılğa mahküm etildi, mülkü ise müsadere etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"2014 senesinden soñ mahküm etilgenlerniñ duşman tarafına keçkenleri ve işğalli prokurorlıq organlarında "karyera" qurmağa başlağanları isbatlandı. Hususan, olar "Yalta şeer prokurorınıñ baş yardımcısı" ve "Qırım Cumhuriyeti prokurorlığınıñ vatandaşlarnıñ aqları ve serbestligini nezaret etüv bölüginiñ reberi vazifelerini eda etken" vazifelerini aldılar, soñ ise "Qırım Cumhuriyeti prokurorlığınıñ Yalta şeer prokurorınıñ muavinleri" olaraq tayin etildi", — dep haberde qayd etildi.
Prokurorlıqnıñ haberinde aytılğanı kibi, öz areketlerinen mahküm etilgenler yarımadada prokurorlıqnıñ işğalli organlarınıñ meydanğa ketirilmesini ve çalışmasını temin etti, em de istilâcı devlet ve onıñ vekillerine Ukrayinağa qarşı bozuv faaliyetini alıp barmağa yardım ettiler.
Suspilne Qırım menbalarınıñ malümatına köre, mahküm etilgenler: Neçeporuk Serğiy Volodımırovıç ve Ğurevıç Mıhaylo Ğennadiyovıç.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
