Ukraina Silâlı quvetleriniñ Baş ştabı Qırımdaki "Belbek" ava limanına ücümniñ neticeleri aydınlattı. Ukrayina arbiy hızmetçileriniñ malümatına köre, uçucısız uçaq aletleriniñ ücümleri neticesinde 96K6 radiolokatsiya stantsiyası, R-419 bağ stantsiyası yoq etildi ve 55J6T radiolokatsiya stantsiyası zarar kördi.
USQniñ Baş ştabınıñ Facebook saifesinde bu aqqında haber etildi.
"Ukrayin UUAleriniñ evelki devirde Belbek ava limanına yapılğan ücümleriniñ neticesinde 96K6 radiolokatsiya stantsiyasınıñ, R-419 bağ stantsiyasınıñ yoq etilmesi ve 55J6T radiolokatsiya stantsiyasınıñ bozulması tasdıqlandı. Mudafaa quvetleri Rusiye istilâcılarınıñ arbiy-iqtisadiy imkânlarını bozmaq, istilâcı ordunı yaqarlıq ve yağnen temin etmek ve Rusiyeni Ukrayinağa qarşı silâlı istilâsını toqtatmağa mecbur etmek içün areket etmege devam ete", — dep haberde qayd etildi.
96K6 radiolokatsiya stantsiyası Rusiyeniñ "Pantsir-S1" zırhlı raketa-top kompleksine (ZRGK) aittir — o, küçük obyektlerni yüksek doğrulıqlı silâ, pilotsız uçaq ve uçaqlarnıñ kütleviy ücümlerinden qorçalamaq içün yapılğan.
P-419 bağ stantsiyası — bu, tarla şaraitinde tez tarqalğan bağ hatlarını qurmaq içün azırlanğan Rusiyeniñ az küçlü radio relay stantsiyaları (RRS) seriyasıdır. Stantsiya, signallarnı dijital usullarnen işlep çıqqanı içün, yüksek bozuluvğa dayanıqlılıq ve bağnıñ teleradioyörtüvden qoruvını temin ete.
55J6T radiolokatsiya stantsiyası "Nebo-M" sistemasına kire. Bu kompleks, Rusiye Federatsiyasınıñ eñ zemaneviy radiolokatsiya istihbarat vastalarından biridir.
Hatırlatamız ki, ilk qış ayınıñ 20-nde Ukrayina havfsızlıq hızmeti bildirdi ki, "Alfa" mahsus operatsiyalar merkeziniñ uzaq ücüm etici dronları işğal etilgen Qırımdaki "Belbek" Rusiye arbiy ava limanında eki Su-27 uçağını urdı. Eki uçaqnıñ fiyatı 70 million dollar. Olardan biri yoq etildi.
UHHniñ malümatına köre, ilk qış ayınıñ 18-nde gece "Alfa" mahsus operatsiyalar merkeziniñ uzaq ücüm etici dronları işğal etilgen Qırımdaki "Belbek" arbiy ava limanında Rusiye ava mudafaasınıñ tehnikasını urdı.
Bundan da ğayrı, Ukrayina silâlı quvetleriniñ Baş ştabınıñ malümatına köre, işğal etilgen Qırımda ukrayin arbiy hızmetçileri Mırne rayonında insansız katerlernen olğan bazağa ücüm etti. Mında olarnı Rusiye ordusı saqlay ve hızmet ete edi. Rusiyege ketirilgen zararnıñ miqdarı şimdi ögrenile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
