2014 senesi Qırımda keçirilgen qanunsız "referendum"nıñ teşkilâtçısı Ukrayinada 14 yılğa mahküm etildi. Adam qanunsız saylav eyyetiniñ yolbaşçısı edi ve "saylav bölükleri"niñ teşkil etilmesi ve işini idare ete edi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"O, şahsen "saylav bölükleri"niñ teşkil etilmesini ve olarnı mütenasip tehnika, "vesiqalar", "bülletenler"nen teminlevini idare ete edi, istilâcı devletniñ nezaretinde olğan ecnebiy "közeticiler"niñ "qayd etilmesi" ve jurnalistlerniñ "akkreditatsiya"sı aqqında qararlarnı qabul ete edi. Bundan soñ mahküm etilgen adam, "Qırım Cumhuriyeti saylav eyyetiniñ reisi" vazifesini alıp, istilâcı devletniñ vekillerinen işbirlik devam ettirdi ve RFnıñ işğalli organları ve akimiyet organlarına qanunsız saylavlarnı teşkil etti", — dep haberde qayd etildi.
Mahkeme onı devlet hainligiUkrayina CQniñ 111-nci maddesiniñ 1-nci qısmınde, Ukrayinanıñ topraq bütünligi ve toqunılmazlığına qast etüvUkrayina CQniñ 110-ncı maddesiniñ 2-nci qısmıde, anayasa tertibini zorbalıqnen deñiştirmek ya da yıqmaq ya da devlet akimiyetini zapt etmekUkrayina CQniñ 109-ncı maddesiniñ 3-nci qısmı içün areketlerde qabaatlı dep tanıdı.
Suspilne Qırımnıñ menbalarınıñ malümatına köre, mahküm etilgen adam — Malışev Mihail Grigoroviç.
İşğalden evel Qırım saylav eyyetiniñ yolbaşçısı edi. Adam Avropa Birligi, Kanada, Yaponiya, AQŞ, Avstraliya, İsviçre, Büyük Britaniya ve Ukrayina sanktsiyaları altında buluna.
2019 senesi "Qırım.Aqiqat"qa bergen izaatında o, Ukrayinağa ant etmegenini ve devlet hainliginde qabaatını tanımaycağını ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
