Keçenelerde Ukrayina Silâlı quvetleriniñ Baş ştabı işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki Krasnosilske civarında RSP-6M2 radiolokatsiya sistemasını urdı.
İlk qış ayınıñ 20-nde Facebookta Baş ştab bunı bildirdi.
Onıñ bildirgenine köre, ücümniñ maqsadı — Rusiye arbiy hızmetçileriniñ ücüm qabiliyetini eksiltmek edi.
Ukrayina Silâlı quvetleriniñ Baş ştabında RSP-6M2 uçaqlarnıñ areketini, hususan yaramay körüv şaraitinde qoşuluvlarını idare etmek içün qullanıla.
Hatırlatamız ki, ilk qış ayınıñ 19-nda gece işğal etilgen Qırımda Yevpatoriya (Kelzev) rayonınıñ yalısındaki Frunze köyü ve yarımadanıñ ğarbindeki Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Fiolent burnu yanında patlavlar oldı. Aynı vaqıtta Rusiye Mudafaa nazirligi, Qırımnıñ şarqında Azaq deñiziniñ üzerinde AMSnıñ çalışqanı aqqında bildirdi.
İlk qış ayınıñ 18-nde gece Ukrayina havfsızlıq hızmetiniñ "Alfa" mahsus ameliyatlar merkeziniñ uzaq ücüm etici dronları işğal etilgen Qırımda "Belbek" arbiy ava limanında Rusiye ava mudafaasınıñ tehnikasını urdı. O cümleden, "Pantsir-S2" zıddiyet-raketa kompleksi (ZRK), "Nebo-SVU" eki uzaq radiolokatsiya keşfi kompleksi ve S-400 "Triumf" ZRK terkibindeki 92N6 radiolokatsiya stantsiyası zarar kördi.
Bundan ğayrı, ilk qış ayınıñ 18-de gece, Ukrayina Silâlı quvetleri Baş ştabınıñ malümatına köre, işğal etilgen Qırımda Gvardiyske rayonında "Nebo-U" 55J6 radiolokatsiya stantsiyasına ücüm qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
