İşğalciler ukrayinlerniñ Qırımdaki mal-mülkini "milliyleştirgenleri" aqqında ilân ettiler. Cedvelge daa 84 fizikiy ve uquqiy şahısnıñ aktivleri kirsetildi, olarnı Rusiye akimiyeti Kıyivnen işbirlikte ve Ukrayina Silâlı quvetlerine qoltutqanında qabaatlay. Olarnıñ arasında — WBA, WBC ve IBF versiyası boyunca eñ ağır ağırlıqta dünya çempionı, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Oleksandr Usık.
İlk qış ayınıñ 16-nda Telegramda "Qırım parlamenti"niñ işğalli reisi Vladimir Konstantinov bunı bildirdi.
Onıñ aytqanına köre, Usık — "natsist mefküresiniñ tarafdarı" ve defalarca USQ içün para toplağan edi.
İşğalcilerniñ Qırımdaki mülkniñ "milliyleştirilüvi" cedveline daa kim kirdi
- İğor Françuk — ukrayin iş adamı ve siyasetçisi, II-IV çağıruvnıñ halq mebusı. 2018 senesinden başlap Ukrayinada yaşay, "Ukrayina sanayıcılar ve iş adamları birligi"niñ prezidentiniñ muavini vazifesinde buluna ve Ukrayina vitse baş naziriniñ muavininiñ mesleatçısı ola. Qırımda oña "Lilaste" ve "Teskao" Qırım mektebi şirketleri aittir.
- "Tavrida-Plaza" sıñırlanğan mesüliyetli şirketi — ukrayin "TMM" gruppasına kirgen şirket, uçucısız uçaq aletleri ve uçaqlarnıñ istisalınen oğraşa.
- "A.F. Zasâdko adına şahta" PAT — aktsionerleri arasında Ukrayina devlet mülkiyeti fondu olğan bir şirket.
- Ukrayina arbiy hızmetileri ve göñüllileri, hususan MIhaylo ve Kostântın Novoseltsev, Yeğor Tkaçenko ("Holodnır Yar" brigadasınıñ askerleri), Yevğen Babıçnıñ (Ukrayina Ava quvetleriniñ polkovnigi) mülkü.
- Volodımır Prısâjnük — ukrayin cemaat erbabı, Poloniyada "Vidkrıtıy dialog" fondunı destekley ve USQ içün para toplay.
Bundan evel işğalli Qırım yolbaşçısı Sergey Aksönov Ukrayina vatandaşlarınıñ mülkiyetiniñ "milliyleştirilmesi"nden elde etilgen 6,9 milliard rubleni işğal etilgen Qırımda leyhalarnıñ ömürge keçirilmesine sarf etkenini bildirdi.
Hatırlatamız ki, 2025 senesiniñ ilk altı ayı devamında işğalli Qırım akimiyeti, keçken senelerde "milliyleştirilgen" 25 obyektni sattı — olar Rusiye Federatsiyası kontrol etken memuriyet tarafından hırsızlanğan edi, 2,2 mlrd rubleden (660 biñ ğrıvnâ) çoq edi, dep "oraq ayınıñ 15-nde işğalli Qırım parlamentiniñ reisi Vladimir Konstantinov öz Telegram kanalında bildirdi.
Qırımnıñ işğalli Rusiye akimiyeti "sabıq olmağan sakinler"ge basqı usullarından biri olaraq şahsiy mülkiyet obyektleriniñ qanunsız "milliyleştirilüvi"ni qullana. Umumen işğalli memuriyet eki yıl içinde tahminen 3,5 biñ mülkiyet obyektini "milliyleştirdi", olardan 1,2 biñ — 2024 senesi, dep çiçek ayında "QırımSOS" cemaat teşkilâtı bildirdi.
2024 senesi işğal etilgen mal-mülkniñ satıluvından yarımadanıñ işğalli akimiyeti 4,4 mlrd ruble (1,2 mlrd ğrıvnâ) aldı, dep Ukrayina prezidentiniñ Qırım Muhtar Cumhuriyetindeki daimiy temsilcisiniñ muavini Denıs Çıstikov bildirdi.
"Ukrayinalı olmaq yeter. Rusiye Federatsiyası mülküni "milliyleştirüv" dep, onı tutıp ala" materialında Suspilne Qırım jurnalistleri uquqçılarnen laf etip, işğalciler yarımadada mülküni zapt etkende ne yapmaq kerek olğanını añlattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
