İlk qış ayınıñ 8-nde işğal etilgen Qırımda "Rusiye ordusınıñ itibarını tüşürüvRF CMQniñ 20.3.3-nci maddesi" maddesi boyunca 1642 dava qayd etildi.
Ukrayina prezidentiniñ Qırımdaki temsilciligi bunı bildirdi.
"1518 davasında para cezaları ya da davalarnı birleştirici qararlar alındı. On eki davanıñ baqılması devam ete. Qararlarnıñ 53%-i (803) qadınlarğa qarşı, 47%-i (713) erkeklerge qarşı", — dep haberde qayd etildi.
Hatırlatamız ki, boş aynıñ 14-ne qadar, prezidentniñ Qırım Muhtar Cumhuriyetindeki temsilciliginiñ malümatına köre, Rusiye ordusını itibardan tüşürüv boyunca 1618 dava qayd etildi. 2025 senesi orta küz ayınıñ 13-ne qadar yuqarıda añılğan qabaatlav boyunca 1585 "dava" qayd etildi, olardan 52%-i qadınlarğa qarşı.
"Rusiye ordusını itibardan tüşürüv" içün memuriy madde, fizikiy şahıslar içün 30 biñden 50 biñ rublege qadar (1017 biñ ğrıvnâ), müessiselerniñ reberleri içün 100 biñ rublege qadar (30 biñ ğrıvnâ) ve uquqiy şahıslar içün 300 biñ rublege qadar (100 biñ ğrıvnâ) para cezasını belgiley. Tekrar mahküm etilse, cinaiy dava açıla bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
