İşğal etilgen Qırımda boş aynıñ başında "Rusiye ordusınıñ itibarını tüşürüv" maddesi boyunca 1618 dava qayd etildi. 1477 davasında para cezaları ya da davalarnı birleştirüv qararları çıqarıldı.
Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
"30 dava daa baqılmay. "Bağışlav" ile yayınlavnıñ artması büyük bir teşviqat tesiri ola bile — quvetçilerniñ narazılıq bildirgenlerni qıdıruv faalliginiñ numayışı, em de Ukrayina tarafdarları olğan vatandaşlarnı qorqutuv ve aqaretlev", — dep haberde qayd etildi.
Temsilcilikniñ qayd etkenine köre, qararlarnıñ yarısından ziyadesi (52%) qadınlarğa ait.
"Teşviqat, qorquzuv müitiniñ yaratılması, vatandaşlarnıñ aqları ve serbestliginiñ sıñırlanması ve "razı olmağanlar"nı belgilevniñ diger mehanizmleri, Rusiye işğalcileriniñ cemaat alanı üzerinde kontroliniñ quvetleştirilmesini köstere — bu, işğal altındaki sakinler içün qoşma telükelerni yarata", — dep temsilcilik bildirdi.
Hatırlatamız ki, 2025 senesi orta küz ayınıñ 13-ne qadar yuqarıda añılğan qabaatlav boyunca 1585 "dava" qayd etilgen edi, olardan 52%-i qadınlarğa qarşı.
Memuriy "Rusiye ordusını itibardan tüşürüv" maddesie binaen, fizikiy şahıslar içün 30-dan 50 biñ rublege (10-17 biñ ğrıvnâ) qadar cöreme, müessise reberleri içün — 100 biñ rublege (30 biñ ğrıvnâ) qadar cöreme ve uquqiy şahıslar içün — 300 biñ rublege (100 biñ ğrıvnâ) qadar cöreme belgilene. Tekrar mahküm etilse, cinaiy dava açıla bile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
