2017 senesi Qırımnen memuriy sıñırdan keçkende işğalciler tarafından tutulğan, Herson vilâyetinden siyasiy mabüs Volodımır Yakımenko rusiye müstemlekesiniñ cez izolâtorına (SİZO) yañıdan qapatıldı. Bu sefer onı beş ayğa qapattılar.
Onıñ ömür arqadaşı Diana Çaykovska Qırımtatar resurs merkezine bunı bildirdi.
Çaykovskanıñ malümatına köre, Yakımenko Rusiye müstemlekesinde keçirgen apis müddetiniñ üçte birini ŞİZOda keçirdi. O, endi doquz yıl devamında apiste yata.
Siyasiy mabüsniñ apayı da, onıñ vatandaş aqayınıñ sağlıq alı fenalaşqanını tarif etti. Daimiy baş ağrısı, gastrit ve qırıntıdan ğayrı, eski qırılğanı sebebinden köpürçik kemigi, qaburğa ve kemiklerde ağrılar, onıñ nevroologik meseleleri peyda oldı. Çaykovska, ağır tutuv şaraiti sebebinden olğanını tüşüne.
Hatırlatamız ki, Volodımır Yakımenko — Herson vilâyetiniñ sakini, Donbasta ukrayin ordusına ve 2014 senesi yarımadanı Rusiye işğali sebebinden terk etken Qırım sakinlerine yardım etken "Avtomaydan" faalcisidir.
2017 senesi ilk yaz ayınıñ 11-nde ukrayin sakini işğal etilgen Qırımnen memuriy sıñırdan keçkende Rusiye sıñırcıları tarafından tutuldı. Adamnı narkotik taşımasında qabaatladılar. İşğalli Qırım mahkemesi Yakımenkonı müstemlekede 15,5 yılğa üküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
