Rusiye öz ordusına VİETdan ukrayinlerni, ecnebiylerni ve ruslarnı celp ete — İdare ştabı

Rusiye Ukrayinağa qarşı cenkke vaqtınca işğal etilgen topraqlardan Ukratina vatandaşlarını ve ecnebiylerni celp ete. Rusiye ordusınıñ tahminen 16%-i ukrayinler, diger memleketlerniñ vatandaşları ise 34%-ini teşkil ete. Kreml, az sayılı tamır halqlarínı yoq etmek içün, Rusiye Federatsiyasınıñ uzaq cumhuriyetleriniñ sakinlerini askerlikke celp ete.

İlk qış ayınıñ 2-nde Ukrayina tamır halqları kongressi çerçivesinde "Qırımtatarlar, qaraylar ve qırımçaqlar — Ukrayinanı qorçalamaq içün" adlı munaqaşa vaqtında İdare ştabınıñ kâtibiyetiniñ arbiy esirlerge munasebet meseleleri yolbaşçısı Boğdan Ohrimenko bunı bildirdi, dep prezidentniñ Qırım Muhtar Cumhuriyetindeki temsilciligi haber berdi.

"Moskva ve Leningrad vilâyetleriniñ ealisi eñ alçaq faizde yaşay. Bu cenknen Putin, özüni tayin etüv, mustaqillik, öz mustaqilligi içün küreş potentsialına saip olğan küçük halqlarnı yoq ete — bu, Rusiye İmperiyası, Sovetler Birliginden başlap, standart Rusiye ameliyatıdır", — dep Boğdan Ohrimenko qayd etti.

Aynı zamanda ştab yolbaşçısı — yalı mudafaasınıñ 34-ünci ayrı brigadası komandanınıñ muavini Alim Kerimov bu cenk onıñ içün şahsiy olğanını qayd etti. O, hatırlattı ki, qırımtatar, qaray ve qırımçaqlar Qırım işğali başlağanından berli Ukrayina Mudafaa quvetlerinde iştirak eteler.

"Er bir arbiy hızmetçi, dinine ve qaysı bir memleketten olğanına baqmadan, işğalden qurtaruvnıñ kerçekleşmesi içün areket ete. Bu çağıruv ve menim şahsiy küreşim. Onı yeñmegence, ruslarnı işğal etilgen topraqlardan quvmağance, hızmet etem", — dep Kerimov qayd etti.

"Ukrayina qarayları birligi" cemaat teşkilâtınıñ azası, arbiy hızmetçi Andriy Oleynikov (Kefeli) işğal etilgen Qırımda cinayetlerde qabaatlı olğanlarnı, hususan yarımada işğal etilgen soñ halqara ve ukrayin uquq qaidelerini bozğanlarnı mesüliyetke çekmege çağırdı.

O, ileride tecavuz tekrarlanmaması içün Ukrayinanıñ öz hatalarını köz ögüne almaq kerekligini qayd etti.

Hatırlatamız ki, Rusiye istilâsı başlağanından berli 46 327 Ukrayina vatandaşı mecburiy sürette askerlikke çağırıldı. Olarnıñ çoqusı — Qırım sakinleri (35 271), olardan 5 368-i — Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinleri, dep İdare ştabınıñ kâtibi Dmıtro Usov bildirdi.

Читати ще