Tolu miqyaslı istilâ başlağanından berli Rusiye vaqtınca işğal etilgen topraqlardan (VİET) 46 327 Ukrayina vatandaşını mecburen askerlikke kütleviy şekilde aldı. Olarnıñ çoqusı — Qırım sakinleri (35 271), olardan 5 368-i — Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinidir.
İdare ştabınıñ cenk esirlerine munasebet meseleleri kâtibi Dmıtro Usov Kıyivde keçken "Crimea Global. Understanding Ukraine through the South" üçünci halqara konferentsiyasınıñ ekinci künü brifing devamında bunı bildirdi.
Bundan da ğayrı, Donetsk vilâyetiniñ VİETından işğalciler 5 368 vatandaşnı, Luğansk vilâyetinden — 4 650, Zaporijjâ vilâyetinden — 560, Herson vilâyetinden — 478 vatandaşnı askerlikke kütleviy şekilde aldılar.
Bundan ğayrı, onıñ malümatına köre, ukrayin esirliginde bulunğan vatandaşlarnıñ 16%-i — Ukrayina vatandaşlarıdır. Olarnıñ 6%-i Qırım sakinleridir.
"Esirlikte bulunğan vatandaşlarımız bar, olar mahkeme qararlarını aldılar, olarnı azat ettiler. Ve şimdi olarnıñ lagerlerden azat etilmelerini bekleymiz, ve olar vatandaşlıq vazifelerini tolusınen eda ete bileler", — dep Usov qayd etti.
Onıñ bildirgenine köre, Rusiye işğalcileriniñ esirligine tüşken sabıq ukrayin arbiy esirleri de bar. RF Silâlı quvetleri Baş ştabınıñ Baş idaresi dört bölük yarattı: Boğdan Hmelnıtskıy batalyonı, Maksım Krıvonis batalyonı, Martin Puşkar taqımı ve Oleksandr Matrosov taqımı.
"Bu, esir alınğan arbiy adamlarımıznı celp etken bölüklerdir. Mudafaa nazirliginen 62 böyle añlaşma imzalanğan, ve olar endi böyle bölüklerde cenkleşeler. Ve atta bizge esir alınğan bir asker bar — o, Maksım Krıvonis batalyonındandır. Bu bizim arbiy hızmetçimizdir. O, ruslarğa esir tüşti, olarnen añlaşma tizdi ve o endi bizge qarşı cenkleşip esir tüşti", — dep İdare ştabınıñ kâtibi qayd etti.
Hatırlatamız ki, "Crimea Global: Understanding Ukraine through the South" üçünci halqara konferentsiyasınıñ birinci künü ukrayin vekilleri Asiya, Afrika ve Latin Amerika memleketlerine Qırımnı işğalden azat etüv ve Ukrayinada Rusiye istilâsınıñ toqtatuv — er kes içün halqara uquqnıñ ğayrıdan tiklenüvi aqqında añlattılar.
Bundan da ğayrı, konferentsiya vaqtında ukrayin memurları, diplomatlar ve halqara mütehassıslar Ukrayinanıñ global rolü, işğal etilgen Qırımnı azat etüv strategiyası ve Global Cenübiy memleketlerinen ortaqlıqlarnı keñleştirüv muzakere etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
