İşğal etilgen Qırımnıñ eki "hayriye fondu" Ukrayina prezidenti Zelenskıynıñ ilân etken sanktsiyalar cedveline kirsetildi. İşğalci teşkilâtlar — "Qırım ğumanitar cebesi" ve "Qırım — tuvğan evimdir".
Ukrayina prezidentiniñ saytında Ukrayina RNBOnıñ 2025 senesi boş ay 29-da qabul etilgen "Şahsiy mahsus iqtisadiy ve diger sıñırlav tedbirleriniñ (sanktsiyalarnıñ) qullanılması aqqında" qararına 2-nci ilâvede bu aqqında yazılğan.
"Sıñırlavlar, Rusiye işğalcilerine destek köstergen Rusiye hayriye fondları ve göñülli areketlerine qarşı qullanıla", — dep Zelenskıy bildirdi.
"Qırım ğumanitar cebesi" Telegramdaki gruppasında "MAAMahsus arbiy ameliyat - Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrainağa 2022 senesinden başlap istilâsını tasvir etmek içün qullanılğan propaganda efemizmidir iştirakçilerine" yardım etkenini beyan ete. Onıñ yolbaşçısını ukrain mahkemesi, istilâcı devletke yardım etkeni içün 12 yıl apis cezasına mahküm etti.
"Qırım — tuvğan evim" — işğal etilgen Qırımda Ukrayinağa qarşı cenkleşken Rusiye arbiyleri içün maddiy resurslarnı toplay. Faaliyetleriniñ esabatlarını Telegramda da derc eteler.
Hatırlatamız, prezident Volodımır Zelenskıy Ukrayina milliy havfsızlıq ve mudafaa şurasınıñ (RNBO) Ukrayinağa qarşı AQŞ sanktsiyalarınıñ sinhronizatsıyası aqqında qararını amelge keçirdi. Söz, Rusiye Federatsiyasınıñ energetik sektorı ve çeşit çeşit Rusiye UUAleriniñ istisalı ve işletilüvi ile bağlı fizikiy ve uquqiy şahıslarğa qarşı sıñırlavlarnıñ kirsetilüvi aqqında kete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
