Qırımda işğalciler evden alıp, Bağçasarayda yaşağan tarihçı Enver Seitmemetovğa memuriy protokol tizdiler.
"Qırım birdemligi" bunı bildirdi.
"Bağçasarayda quvetçiler 74 yaşındaki tarihçı Enver Seitmemetovğa keldiler. Bu, üç siyasiy mabüs — Seitumer, Osman ve Abdülmecit Seitumerovlarnıñ doğmuş dayısıdır", — dep haberde qayd etildi.
Teşkilâtnıñ malümatına köre, adamnıñ evine tahminen 10 quvetçi keldi. Enver Seitmemetovğa qararnı oqudılar ve Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) alıp kettiler.
"Aşırıcılıqnen küreş merkeziniñ hadimleri Enver Seitmemetovğa qarşı memuriy protokol tizeler, bundan soñ onı Kıyiv rayon mahkemesine oturışqa ketirecekler", — dep "Qırım birdemligi" yazdı.
Protokol ne içün tizgenleri aqqında haber etilmey.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
