Boş aynıñ 20-nde Ukrayinada qayd etilgen Balalarnı qoruv kününe uquq qorçalayıcılar Qırımnıñ işğali ve Rusiye istilâsı neticesinde zarar körgen balalar aqqında malümat berdi.
Qırımtatar Resurs Merkezi (QRM) bunı bildirdi.
QRMniñ malümatına köre, işğal ve cenk endi on biñlernen balanıñ ayatını qırdı. Olarnıñ arasında:
- 15 bala facialı şekilde elâk oldı.
- bir bebek anasından ayırılğan edi;
- ana-babası öldürilgen ve ğayıp olağn bir qaç on bala ana-babasız qaldı;
- on biñlernen bala — ana tillerini — qırımtatar ve ukrayin tillerini ögrenüv aqqından marum etildi;
- biñlernen bala Vatanında yaşamaq aqqını coyıp, mecburen köçti;
- yüz biñlernen qıtaiy Ukrayinadan bala Qırım şifahanelerinde tedaviylenmek imkânından marum qaldı;
- on biñlernen bala — tasilniñ arbiyleştirilmesiniñ qurbanı oldılar, bu ise Birleşken Milletler Teşkilâtınıñ Bala aqları ve Jeneva şartnamesine zıt kele;
- bala evlerinden biñlernen bala Ukrayina vatandaşlığı aqqından marum etildi;
- on biñlernen bala Ukrayina aliy oquv yurtlarında tasil almaq imkânından marum qaldı.
Uquq qoruyıcılarnıñ qayd etkenlerine köre, tolu miqyaslı istilâ başlağanından berli zarar körgen balalarnıñ sayısı bayağı arttı — 2,590-dan ziyade bala doğrudan-doğru arbiy areketlerden zarar kördi.
"Millionlarnen ukrayin balası qomşu memleketlerniñ sıñırlarını qaçaqlar olaraq keçti, ve aynı o qadar bala şimdi Ukrayina içinde köçip kelgen şahıslar ola", — dep Merkez bildirdi.
Hatırlatamız ki, işğal etilgen topraqlarda, hususan Qırımda, ukrayin balalarınıñ arbiyleştirilmesi — umumen Avropanıñ telükesizlik meselesidir, çünki bu — kelecekte Rusiyeniñ dünyanıñ çeşit köşelerinde qullana bilecekleri balalardır. Böyleliknen, Suspilne Qırımğa bergen izaatında "Almenda" vatandaş maarif merkeziniñ reisi Mariya Sulâlina, gençlerniñ arbiyleştirilüvi ketişatını izaatladı.
Resmiy malümatqa köre, Rusiye eñ az 20 biñ ukrayin balasını zorbalıqnen sürgün etti, olarnıñ bir qısmı işğal etilgen Qırımda terbiye lagerlerinde buluna. Anda olarnı Rusiye Federatsiyasınıñ gimnini aytmağa mecbur eteler, silâ qullanmağa ögrete ve Rusiye vatandaşlığını qabul eteler. Balalarnı qorquzalar, teşviqatnı qabul etmegenlerni ise izolâtsiya eteler.
Suspilne Qırım jurnalistleri, 2022 senesi yazda, 16 yaşında olğanda, ruslar tarafından Herson vilâyetindeki tuvğan Radensk köyünden işğal etilgen Qırımğa zornen ketirilgen Rostıslavnen subetleştiler. Onıñ anasını da işğalciler alıp kettiler. Oğlançıqnıñ hatırlavına köre, lagerde balalar sert qaidelerge uyğan ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
