Karazin adına Harkiv milliy universitetinde Ukrayinanıñ doquz bölgesinden 100 diñleyici, azat etilgen bölgelerniñ ğayrıdan tiklenüvi ve reintegratsiyası içün mütehassıslarnı azırlağan "İşğal etilmegen topraqlarda devlet idaresi" qısqa müddetli programmasını oqup bitirdi.
Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
Umumen, Ukrayinanıñ doquz bölgesi ve Kıyivden 100 diñleyici — 85 devlet hızmetçisi ve 15 yerli idare temsilcisi programmanı diñledi.
Programma, iştirakçilerge azat etilgen topraqlarnıñ ğayrıdan tiklenüvi ve reintegratsiyası, devlet siyaseti saasında çalışmaq içün kerek olğan aletler bergen ameliy meydan oldı. Olar cemiyet inkişafınıñ strategik planlaştıruvı, içtimaiy-gumanitar saası idare etüvi, habre telükesizligi esasları ve buhran şaraitinde kommunikatsiyanı ögrendiler.
Hatırlatamız ki, Karazin universiteti, işğalden azat etilecek soñ Qırım, Donbas ve diger bölgeler içün idarecilerni azırlamağa doğrultılğan "İşğalden azat etilgen topraqlarda devlet idaresi" unikal magistratura programmasını başlattı. Programma halqara tecribeni ukrayin kontekstinen birleştire, Qırım MC ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) vaziyetke diqqat ayıra.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
