Rusiyeliler hasta vatandaş jurnalisti Amet Süleymanov içün ilâc paketini qabul etmediler. Ekim ayınıñ 24-nde onıñ apayı Volodımır merkeziy apishanesine yolladı, amma onı keri qaytardılar. Ametniñ apayı Lilâ Lumanova Facebookta haber etti ki, paket içinde yaşamaq içün kerek olğan ilâclar bar edi.
Hatırlatamız, bu sene arman ayında Amet Süleymanovnıñ apishanede ekinci kere gipertonik buhranı olğanı belli oldı. Oña angioptiya diagnozı qoyuldı, bu da körüv qabiliyetini coya.
Amet Süleymanovnıñ qadını aytqanı kibi, o, ciddiy sağlıq problemleri sebebinden er kün bu ilâclarğa muhtac.
"Soñki künleri Ametniñ basımı pek yüksek edi, ayağında hematoma peyda oldı. Qırımdaki ekimimiz, bu qan pıhtısı ola bile, dep qorqa. Men er şeyni qayd etilgen şekilde aldım — er kün onıñ sağlığını qorçalamaq içün kerek olğan er şeyni. Şimdi bu ilâclarğa baqam ve añlayım ki, olar kerekli insanlarğa yetmedi", — dep yazdı Lilâ Lumanova.
Apishaneniñ hadimleri siyasiy mabüsniñ apayına red sebebini añlatmadılar. Qaytarılğan paketlerde tek rusça "Qayta qaytarılmay" yazısı bar edi
Amet Süleymanov, Rusiyede yasaq etilgen "Hizb ut-Tahrir" siyasiy teşkilâtında iştirak etkeni içün 12 yıl sert rejimli koloniyada qalmasına üküm etildi.
Hatırlatamız, işğalciler Oleksandr Sizikovnıñ anasına SİZOda oña ilâc bermege de yasaq etti.
Amet Süleymanov aqqında ne bilemiz
Süleymanov – 2014 senesi Rusiyeniñ Qırımnı qanunsız işğalinden soñ evlerniñ tintilmeleri ve qırımtatarlarnıñ tutulmaları aqqında haber bergen "Qırım birdemligi" içtimaiy jurnalistidir.
O, qalpnıñ qırmızı qan damarı ve mitral kemligini çeke. Siyasiy mabüsniñ apayı Lilâ haber berdi ki, aqayı operatsiya nevbetinde tura. Bundan ğayrı, o qayd etti ki, onıñ içün apishanede bulunmaq, "ölüm demektir".
Bundan ğayrı, qırımtatarnıñ saqatlığı bar, amma 2015 senesi Moskvada ameliyattan red etkeni sebebinden o lâğu etildi, çünki muntazam tarzda teddaviylegeni Kıyivde ameliyat yapacaq edi.
2020 senesi saban ayınıñ 11-inde işğal etilgen Qırımnıñ Bağçasaray şeerinde rus quvetçileri, evini tinttiler ve neticesinde o tutuldı. 2023 senesi çiçek ayınıñ 5-ine qadar Süyelmanov, qalp hastalığı sebebinden, ev tevkifi astında buluna edi.
Qorçalayıcı tarafnıñ qırımtatarnıñ sağlıq alına dair çoq ilânlarına baqmadan, Rovtov-na-Donudaki Cenübiy bölge arbiy makemesi onı 12 senege maküm etmege qarar berdi.
Avropa Şurasınıñ Parlament Assambleyasınıñ (AŞPA) maruzacısı, rusiye akimiyetini qanunsız olaraq tevqif etilgen jurnalist Amet Süleymanovnı azat etmege çağırdı.
2023 senesi arman ayında onı Vladimirdeki 2-nci Rusiye apishanesi olğan "Vladimir merkezi"ne etap ettiler.
2024 senesi oraq ayında Rusiye Federatsiyasınıñ Vladimir vilâyet makemesi qırımtatarnıñ apishaneden azat etilüvini red etti, onıñ eki hastalığı olsa da, onı tüzetüv müessiselerinde tutmaq mümkün degil.
2024 senesi orta küz ayınıñ soñunda Qırımnıñ işğalli Sağlıq nazirligi onı yürek klapanını deñiştirmek içün ameliyat nevbetinden çıqardılar. Onıñ adı beklev cedveline kirsetildi.
Sağlıq nazirliginiñ işğalli vekilleri Süleymanovnıñ "ameliyatı aqqında qarar alınması içün mütenasip vesiqalarnen şahsen kelmesi"ni talap etti. Onıñ apayı Lilâ Lümanova Qırımnıñ işğalli prokurorlığına şikâyet yazdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
