Rusiyede diversiya içün mesüliyetke dair qanun deñişmelerini azırlaylar — 14 yaşından başlap gençlerni ömür boyu apis cezasınen cezalandıracaqlar. Yuqarı Şuranıñ insan aqları vekâletlisi Dmıtro Lubinetsniñ fikirince, bu "işğalge qarşılıq köstergen er keske qarşı terror ameliyatı"dır.
Ombudsman Facebookta bu aqqında yazdı.
"Bu qanunlar vaqtınca işğal etilgen topraqlarda yaşağan ukrayin gençleri içün hususan telükelidir. Ocalar ve gençler işğalli maşna içün kerçek telüke oldılar: olarnıñ nazar noqtası, cesareti ve yerli qarşılığı işğalcilerniñ nezaretini boza", — dep Dmıtro Lubinets yazdı.
Ombudsmannıñ ofisi, vaqtınca işğal etilgen topraqlarda insan aqlarınıñ bozuluvına cevap berecegini bildirdi ve halqara institutlarnı, uquq qorçalayıcı teşkilâtlarnı ve matbuat vastalarını işğaldaki repressiyalarğa diqqat ayırmağa çağırdı.
"Olarğa açıqtan-açıq ve deral cevap berecegim, hususan ecnebiy diñleyiciler içün. Rusiye muntazam surette ceza usullarını qullana: apiske aluv, işkence, uydurılğan qabaatlavlar, vatandaşlarnı, şu cümleden çağına yetmegenlerni bile, qorqutmaq ve bu qarşılığını yoq etmek içün qullanıla", — dep insan aqları vekâletlisi qayd etti.
Hatırlatamız ki, işğalli Qırım prokurorlığı Rusiye mahkemesine 17 yaşındaki Qırım sakininiñ terroristik teşkilâtta iştirak etüvinen bağlı "davası"nı berdi. "Taqiqat"nıñ malümatına köre, çağına yetmegen oğlan Rusiyede yasaq etilgen terroristik teşkilâtınıñ mefküresine işanıp, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) tanışınıñ mülküni yoq etmege azırlanğan edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
