İşğalli Qırım prokurorlığıı Rusiye mahkemesine 17 yaşındaki Qırımlınıñ terroristik teşkilâtta iştirak etüv "davası"nı berdi. "Taqiqat"nıñ malümatına köre, çağına yetmegen oğlan Rusiyede yasaq etilgen terroristik teşkilâtnıñ mefküresine işanıp, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) tanışınıñ mülküni yoq etmege azırlanğan edi.
İşğalli Qırım prokurorlığı Telegramda bunı bildirdi.
"Rusiye Federatsiyasında faaliyetleri yasaq etilgen terroristik teşkilâtqa bağlı cemiyetke içtimaiy ağlardan birinde yaş qoşuldı. O, aşırıcı edebiyatnı ögrendi ve teşkilâtnıñ diger azalarınıñ faaliyetini İnternette közetti. Terrorizm mefküresini paylaşqan genç, tanısı olğan Simferopol (Aqmescit — terciman) sakininiñ mülkiyetini yoq etüvnen "aktsiyası"nı keçirmege azırlanıp, ateş aleti ve oña yardımcı şeylerni satın aldı", — dep haberde qayd etildi.
İşğalcilerniñ qabaatlav vesiqasında aytıla ki, 2025 senesi qara qış ayınıñ 9-nda ve kiçikniñ 15-nde Qırımlı, zarar körgen adamnıñ apayına ait olğan maşinalarğa bir qaç kere ateş açtı, naqliyatqa çekiçnen urdı, soñ da birini ateşke berdi.
"O, areketlerini cep telefonınıñ kameralarına çekip, videonı içtimaiy ağnıñ çatbotqa yolladı, anda da yerleştirildi", — dep "prokurorlıq" qoştı.
17 yaşındaki oğlan FSBniñ işğalli quvetçileri tarafından tutuldı. "Prokurorlíq" qabaatlavnı Cenübiy bölgeniñ arbiy mahkemesine yolladı.
Hatırlatamız ki, işğalciler Qırımda teraktnıñ ögüni alğanlarını bildirdiler — Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki FSBniñ versiyasına köre, yarımadanıñ Rusiyege boysunğan İçki işler nazirliginiñ yüksek rütbeli hadiminiñ maşinasını patlatmağa planlaştırğan 19 yaşındaki Qırımlını tuttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
