Dünyanıñ ağır boks çempionı dünyanıñ eñ zengin beş boksçusından biri oldı

2024 senesi ilk qış ayında Riyadada ukrayin sportçısı, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) vatandaşı, ağır çekide dünyanıñ çempionı (24−0, 15 KO) Oleksandr Usık Tayson Fyurini yeñgeninden soñ, o, dünyanıñ eñ zengin beş boksçusınıñ sırasına kirdi. Onıñ mal-mülki tahminen 214 million dollar.

GiveMeSport britaniyalı neşiriniñ reytinginde aytıla, onı Celebrity Net Worth ve diger menbalar esasında teşkil bu aqqında ettiler.

"Tayson Fyurini ekinci kere yeñgeninden soñ 100 million dollar qazandı. Onıñ birinci uruşından ve Entony Joşua ile eki uruşından qazanğan paralarını qoşsañız, ukrayin qaramanınıñ bütün zamanlarnıñ eñ zengin boksçılarından biri olğanını añlamaq qolay. Onıñ 214 million dollarlıq servetini daa da acayip etken şey, o, zenaatkar karyerası devamında tek 8 kere ağır çekide küreşken edi", — dep haberde aytıla.

Reytingni amerikalı boksçı Floyd Meyweyzer ($400 mln) baş oldı, ondan soñ — Saul "Kanelo" Alvares (Meksika, $300 mln), Corc Forman (AQŞ, $300 mln) ve Menni Paqyao (Filippin, $220 mln). Tayson Fyuri, eki kere Usık tarafından yeñilgen, $146 million ile 7-nci yerde qaldı.

Bundan evel Suspilne Qırım jurnalistleri öz materiallarında Ukrayinanı satmağan qırımlı sportçılar ve qırımlılardan kimler Olimpiada ğalipleri olğanını ögrene edi.