Ukrayina mudafaa quvetleri vaqtınca işğal etilgen Qırımdaki üç yaqarlıq-yağ malzemesi (YYM) obyektine noqta ücümlernini yaptı.
Boş aynıñ 6-nda Ukrayina Silâlı Quvetlerniñ Baş ştabı bunı bildirdi.
"Vaqtınca işğal etilgen Qırım MC toprağında duşmannıñ logistika qabiliyetlerini eksiltmek maqsadınen, YYMnen üç obyektine zarar ketirildi. Gvardiyske mesken yerindeki neft bazasınıñ rezervuzarına ve saqalarına muvafaqiyetli ücüm qayd etildi. Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) eki YYM bazasındaki rezervuzar parkları zarar kördi. Yaqarlıq rezervuarları yanıp başladı", — dep Baş ştabnıñ haberinde bildirildi.
2025 senesi boş aynıñ 5-ne keçer gecesi Ukrayina Mudafaa quvetleriniñ bölükleri vaqtınca işğal etilgen Donetskte sabıq ava limanınıñ toprağında "Shahed" dronlarınıñ saqlav, donatma ve uçuruv bazasına da ücüm etti. Bundan ğayrı, Ukrayina Mudafaa quvetleri Rusiyedeki Volgograd neft zavodına ücüm etti.
Hatırlatamız ki, boş aynıñ 6-ncı gecesi işğal etilgen Qırımda bir qaç patlav oldı. Nezaret kanallarınıñ bildirgenine köre, Simferopol (Aqmescit) rayonında dronlar uçqab soñ "Krımnaftozbut" şirketinde büyük yanğın çıqtı. Rusiye Mudafaa nazirligi yarımadada yedi uçucısız uçaq aleti tüşürilgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
