Boş aynıñ 6-na keçer gecesi işğal etilgen Qırımda bir qaç patlav oldı. Yerli sakinler ve nezaret kanallarınıñ bildirgenine köre, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında dronlar uçqan soñ büyük yanğın çıqtı. Rusiye Mudafaa nazirligi yarımadanıñ üzerinde bir qaç uçuşsız uçaq aleti tüşürilgenini bildirdi.
Rusiye mudafaa nazirliginiñ Telegramında bildirgenine köre, Qırım üzerinde 7 UUA tüşürildi.
"Qırım yeli" Telegram kanalınıñ haber etkenine köre, saat 02:30 civarında Bitumne köyü civarında "Krımnaftozbut" şirketinde yanğın çıqtı. Bundan evel şaatlar Simferopol (Aqmescit) ve daa bir qaç meskün yerniñ üzerinde uçqan dronlarnı qayd ettiler.
İşğalli yarımada akimiyeti ücüm ve yanğın aqqında şimdilik izaat bermedi.
"Krımnaftozbut" şirketi işğal etilgen Qırımnıñ yaqarlıq astyapısınıñ müim bir qısmıdır. O, yaqarlıq, gaz ve yağ malzemeleriniñ toplama ticaretinen oğraşa.
Hatırlatamız ki, UHHden içtimaiy menbalar bildirdiler ki, orta küz ayının 29-nda UHHniñ ücüm dronları işğal etilgen Qırımda "Pantsır-S2" zenit-raketa kompleksini, eki neft bazasını ve eki radiolokatsiya stantsiyasını urdı.
Boş aynıñ 2-nde gece Ukrayina Mudafaa nazirliginiñ Baş istihbarat idaresiniñ arbiy hızmetçileri işğal etilgen Qırımda Rusiye arbiy mudafaa teşkilâtınıñ nevbetteki obyektlerini yoq ettiler. Uruş noqtasında bulunğan Rusiye S-400 "Triumf" zenit-raketa divizionınıñ idare noqtasına yapılğan ücüm neticesinde 92N6E çoq vazifeli radiolokatsiya stantsiyası ve S-400 idare noqtasınıñ avtonom energiyanen temin etüv sistemasınıñ donatmaları yoq etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
