Qırımda işğalciler bücet vekillerini Max Rusiye qullanuvını endirüv arizalarını imzalamağa zorlaylar — faalciler

İşğal etilgen Qırımda yerli bücet hadimleri, mektep, bank ve keçiş noqtalarında telefonlarına yüklenmege talap etken Max Rusiye messenceriniñ qurulması aqqında arizalarnı imzalamağa mecbur etile.

Boş aynıñ 4-nde tasil departamentinden "Sarı şerit" cemaat areketiniñ iştirakçileri bunı bildirdiler.

Olarnıñ aytqanlarına köre, hadimlerge işğalciler tarafından talimatlar yollanıla, olardan bu mobil ilâveni qurmağa ve yazılı şekilde, mütenasip jurnalda qayd etilmesini talap eteler.

Orta küz ayınıñ soñunda ruslar işğal etilgen Qırımda Telegram ve WhatsApp messencerleriniñ işini qısmen sıñırladılar. "Volna" bölge operatorınıñ malümatına köre, blok etüvni Roskomnadzor yapa, soñ o, buña alâqası olğanını red etti.

Ukrayina prezidentiniñ Qırım Muhtar Cumhuriyetindeki temsilciliginiñ haber etkenine köre, VPN vastasınen irişile bilgen Telegram kanallarında Qırım sakinleri Max messenceriniñ kirsetilmesine qarşı çıqa.

İlk küz ayınıñ 1-den itibaren Rusiyede ve vaqtınca işğal etilgen Ukrayina topraqlarında, hususan Qırımda, Rusiye akimiyeti yañı Max Rusiye messenceriniñ qullanılmasını mecburiy etti. Onı Kreml ve FSB kontrol etken VK şirketi azırladı.

Читати ще

Читати ще

Нові вимоги на блокпостах між ТОТ Херсонщини та Кримом. Людей змушують встановити російський месенджер Max

Читати ще

До 20 вересня освітні організації окупованого Криму переведуть усі чати у месенджер МАХ — "Крим.Реалії"

Telegram, WhatsApp, Facebook, TikTok ve YouTubede Suspilne Qırım haberlerine abune oluñız