İşğal etilgen Qırımnıñ Yalta rayonınıñ Qızıltaş köyünde orta küz ayınıñ 2-nde yerli sakin Marat Batırov dairesinden hırsızlandı. Bir aydan berli onıñ bulunğan yeri aqqında iç bir malümat yoq.
Boş aynıñ 3-nde Qırımtatar resurs merkeziniñ reisi Eskender Bariiev Facebookta bunı bildirdi.
Şaatlarnıñ aytqanlarına köre, belli olmağan şahıslar Qırım sakinini evden çıqardılar, garajına alıp, belli olmağan yerge kettiler.
"Qırımnıñ sözde uquq qorçalayıcı organlarınıñ vekilleri, Batırov Marat yarımadanıñ iç bir SİZOsında olmağanını bildireler. Advokatnıñ işğalli Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) polisiniñ polkovnigi Fomin Y.O., em de işğalli Qırım Cumhuriyeti İçki işler naziri Dmitriyev A.P.niñ yaşağan yeri aqqında yazılı suallerine er vaqıt olğanı kibi iç bir añlayışlı cevap berilmedi", — dep QRMniñ reisi qayd etti.
Aynı zamanda o qayd etti ki, Rusiye quvetçileri SİZOda mahsus odalarda, mağazlarda ve ameliy dairelerde saqlap, inkommunikado statusında olğan insanlarnı zorbalıqnen tutmağa devam etecek. Anda hırsızlanğan vatandaşlarnı, kerekli şaatlıqnı elde etmek içün, işkencege oğratalar.
Bariievniñ aytqanına köre, Batırov — sabıq deñiz piyadesi. O, 45 yaşında pensiyağa çıqtı.
Hatırlatamız ki, bir yıl ve yedi ay evelsi ğayıp olğan Qırım sakini Anatoliy Kobzar Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında tutula. FSB onı devlet hainliginde qabaatlay, adamğa 20 yıllıq apis cezası üküm etile bile, dep QRMniñ reisi Eskender Bariiev bildirdi.
Bundan evel bu sene mayıs ayında işğal etilgen Qırımda hırsızlanğan 24 yaşındaki qırımtatar Hatice Büyühçannıñ apis müddeti 2025 senesi ilk qış ayınıñ 13-ne qadar uzatılğan edi. Qırım uqq qorçalayıcı gruppası bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
