Bu sene mayıs ayında işğal etilgen Qırımda hırsızlanğan 24 yaşındaki qırımtatar Hatice Büyühçannıñ apis müddeti 2025 senesi ilk qış ayınıñ 13-ne qadar uzatıldı.
Qırım uquq qorçalayıcı gruppası bunı bildirdi.
"Orta küz ayınıñ 9-nda "Sevastopol rayon mahkemesi"niñ işğalli mahkemesi Klimakov V.N. qanunsız qararınen 24 yaşındaki qırımtatar Hatice Büyühçannıñ apis müddetini 2025 senesi ilk qış ayınıñ 13-ne qadar uzattı", — dep uquq qoruyıcılarnıñ haberinde qayd etildi.
Hatırlatamız ki, Hatice mayısnıñ 6-nda Eski Qırımda Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) ketken avtobusqa minip, ğayıp oldı. Bir qaç künden soñ onıñ Simferopoldaki (Aqmescitteki) FSB idaresinde bulunğanı belli oldı. Tuvğanları davet etken advokatnı oña yibermediler.
QUQGnıñ malümatına köre, Hatice Büyühçan Simferopolnıñ (Aqmescitniñ) 1-inci SİZOsında tutula. Rusiye mahsus hızmetleri onı birden bir qaç madde boyunca qabaatlay — "terror teşkilâtınıñ faaliyetini teşkil etüv", "patlayıcı maddelerniñ qanunsız saqlanması" ve "devlet hainligi". Mayısnıñ 13-nde onı resmen tuttılar, yani bir afta devamında sebepsiz tuttılar. O, endi beş aydan ziyade esirlikte buluna.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
