İşğalciler Qırım sakinin "terror teşkilâtı"nda iştirak etkeni içün sert rejimli müstemlekede 10 yılğa üküm ettiler.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki FSBğa atfı etip, RİA "Novosti Krım" bunı bildirdi.
"İdareniñ malümatına köre, 2016 senesi adam göñülli olaraq qanunsız silâlı taqımğa qoşuldı ve Rusiye menfaatlarına qarşı areketlerde iştirak etti. Mahkemeci Herson vilâyetinde prokurornıñ noqta-i nazarını köz ögüne alıp üküm çıqardı. Cezasını çekecek soñ, onıñ azatlığı daa bir yılğa sıñırlanacaq", — dep haberde qayd etildi.
"Kommersant" neşiriniñ bildirgenine köre, söz Noman Çelebicihan adına qırımtatar batalyonı aqqında kete.
Hatırlatamız ki, Qırımtatar Resurs Merkezi bildirgeni kibi, batalyonda iştirak etüvde qabaatlanğan 66 kişi tutuldı. Merkezniñ malümatına köre, 2022 senesi kiçik aynıñ 24-nden soñ 19 adise işğal etilgen Qırımda, 47 adise işğal etilgen Herson vilâyetinde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
