Qırımtatar Resurs Merkezi (QRM) 2014 senesinden berli Noman Çelebicihan adına qırımtatar batalyonında iştirak etkeninde qabaatlanıp 66 adam tutulğanını qayd etti.
QRM öz saytında bu aqqında haber etti. Merkezniñ malümatına köre, 2022 senesi kiçik aynıñ 24-nden soñ 19 adise işğal etilgen Qırımda, 47 adise işğal etilgen Herson vilâyetinde qayd etildi.
İşğal etilgen Qırımda aşağıdaki insanlar tutuldı:
- Fevzi Sagancı (üküm — 2019 senesi qara qış ayınıñ 23-ü)
- Dilâver Ğafarov (üküm — 2019 senesi arman ayınıñ 28-i)
- Edem Kadırov (üküm — 2019 senesi mayısnıñ 31-i)
- Aydın Mamutov (üküm — 2019 senesi çiçek ayınıñ 22-si)
- Nariman Mejmedinov (üküm — 2020 senesi ilk yaz ayınıñ 20-si)
- İbraim Asanov (tutulğan — 2023 senesi qara qış ayınıñ 17-si)
- 2023 senesi qara qış ayınıñ 25-nde Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini (tutulğan adamnıñ bilgileri ögrenile)
- 2023 senesi kiçik aynıñ 2-nde Sevastopol (Aqyar) sakini (tutulğan adamnıñ bilgileri ögrenile)
- 2023 senesi saban ayınıñ 13-nde Qırımda 39 yaşındaki adam (tutulğan adamnıñ bilgileri ögrenile)
- 2023 senesi çiçek ayınıñ 14-nde Qırımda tutulğan qırımtatar (tutulğan adamnıñ bilgileri ögrenile)
- 2023 senesi çiçek ayınıñ 14-nde Qırımda tutulğan qırımtatar (tutulğan adamnıñ bilgileri ögrenile)
- 2023 senesi mayısnıñ 30-nda 23 yaşındaki Qırım sakini (tutulğan adamnıñ bilgileri ögrenile)
- 2023 senesi mayısnıñ 30-nda 24 yaşındaki Qırım sakini (tutulğan adamnıñ bilgileri ögrenile)
- 2024 senesi arman ayınıñ 4-nde Qırımda bir adam (tutulğan adamnıñ bilgileri ögrenile)
- 2024 senesi ilk küz ayınıñ 13-nde 54 yaşındaki Qıeım sakini (tutulğan adamnıñ bilgileri ögrenile)
- 2024 senesi saban ayınıñ 22-nde Qırım sakini (tutulğan adamnıñ bilgileri ögrenile)
- 2024 senesi ilk yaz ayınıñ 11-nde Qırım sakini (tutulğan adamnıñ bilgileri ögrenile)
- 2024 senesi ilk küz ayında Qırım sakini Nariman Derman 3 yıl 6 ayğa mahküm etildi.
QRM hatırlata ki, 2022 senesi ilk yaz ayınıñ 1-nde Rusiye Yuqarı mahkemesi Baş prokurorlıqnıñ Noman Çelebicihan adına Qırımtatar göñülli batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etüv davasını qanaatlendirdi.
Hatırlatamız ki, Noman Çelebicihan adına 48-nci ayrı ücüm batalyonınıñ ukrayin arbiy esiri Rusiyede "terrorizm"de qabaatlanıp mahkeme etile. 2024 senesi orta küz ayınıñ 18-nden berli esirlikte bulunğan ve Herson vilâyetinde vaqtınca işğal etilgen Çonğarnıñ 2-nci SİZOsında tutulğan qırımtatar Seyran Asanov aqqında söz yürsetile. Qırımtatar resurs merkeziniñ reisi, Qırımtatar Milliy Meclisiniñ azası Eskender Bariiev bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
