İşğal etilgen Qırımnıñ Canköy rayonınıñ bir qaç sakini Rostov-na-Donudaki Cenübiy bölgeniñ arbiy mahkemesinde mahkeme etilecek. Olarnı "terroristik teşkilâtta iştirakRF CQniñ 205.5-nci maddesi etüv"de qabaatlaylar, amma bunı isbatlağan deliller yoq.
Yerli işğalli kütleviy haber vastaları bunı bildirdi, dep QRM haber etti.
İşğalli memuriyetniñ malümatına köre, olar 20 yıllıq apis cezasına mahküm etile bilirler. Dava malümatları Rusiye arbiy mahkemesine berildi.
"Yarımadada terroristik teşkilâtnıñ hadimleri Qırım musulmanları arasında sözde dünya halifeliginiñ doktrinasına esaslanğan mefküre tarqatqan ve gizli toplaşuvlar vaqtında öz saflarına yañı tarafdarlarnı celp etken edi", — dep haberde qayd etildi.
Hatırlatamız ki, Qırımda Ukrayinanıñ yetek alimi Leonid Pşenıçnov tutuldı. Ukrayina ve Avstraliya bu areketlerni takbih etip, onıñ deral azat etilmesini talap ettiler. Tek şimdi, Ukrayinanı temsil etken Antarktikada deñiz canlı resurslarını saqlav eyyetiniñ Avstraliyadaki yıllıq (CCAMLR) toplaşuvında bu aqqında belli oldı.
Bundan evel orta küz ayınıñ 15-nde saba işğalciler Qırımda dört qırımtatar qadınını tuttılar: Esma Nimetulayeva, Elviza Aliyeva, Nasiba Saidova ve Fevziye Osmanovanı. Er kesni Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke), RF FSBsiniñ Qırım Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli idaresine alıp kettiler.
Orta küz ayınıñ 16-nda Qırımnıñ işğalli Kıyiv rayon mahkemesi olarnı eki ayğa apiske yolladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
