Ukrayina Silâlı quvetleri cenk başlağanından berli işğal etilgen Qırımdan 125 Rusiye askerini esir etti. Aynı vaqıtta yarımadada yerleşken qısımlardan Rusiye ordusınıñ eñ az 2 237 askeri elâk oldı.
Orta küz ayınıñ 21-nde Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
O, ukrayin askerleri tarafından esir alınğanlarnıñ çoqusı Ukrayina vatandaşları olğanını tahmin etti.
"Qırımda yerleşken bölüklerden eñ az 2 237 Rusiye arbiy hızmetçisi elâk oldı, olardan 1 327-si Ukrayina vatandaşı ola bile", — dep temsilcilik qoştı.
Evel "Sarı şerit" areketiniñ vekilleri işğal etilgen Qırım kirişinde Ermeni Bazar yanındaki blok noqtasında Rusiye arbiy hızmetçileri tarafından genç qızlarnıñ taqip etilüvi aqqında bildirdiler.
Hatırlatamız ki, işğal etilgen Qırımnıñ Yalta, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerleriniñ sakinlerine sistematik şekilde mesken ve topraq damartıları berilmey. Bunıñ sebebi şimdi Ukrayinağa qarşı cenkleşken Rusiye arbiy hızmetçileri birinci yerde turmasıdır.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
