"Sarı şerit" areketiniñ faalcileri işğalge qarşı aktsiya keçirip, işğal etilgen Qırımnıñ üç şeerinde — Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yaltada ukrayin timsallerini tarqattılar.
"Sarı şerit" areketi Telegramda bunı bildirdi.
"Qırımda sarı şeritler, stikerler ve diger narazılıq timsalleri peyda olmağa devam ete, ve olarnıñ sayısı er kün arta, bunı "Sarı şerit" areketiniñ faalcileri yapalar. Yerli sakinler işğalli akimiyetnen razı degiller, işğalden qurtarılmasını bekleyler ve öz nazar noqtasını bildirerek, Sevastopol (Aqyar — terciman), Simferopol (Aqmescit — terciman) ve Yaltada ukrayin timsallerini qaldıralar", — dep haberde bildirildi.
Hatırlatamız ki, Putinniñ doğğan künü "Sarı şerit" areketiniñ faalcileri Ukrayinanıñ vaqtınca işğal etilgen şeerlerinde bir sıra aktsiya keçirdiler. İştirakçiler onıñ resimlerini yaqa ve cenkke qarşı yazılar yerleştire ediler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
