Qırımtatar eyyeti işğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) Qırım musulmanları diniy idaresiniñ binasına kelip, din adamlarından qırımtatar qadınları Esma Nimetulayeva, Nasiba Saidova, Elviza Aliyeva ve Fevziya Osmanovanıñ tutulmasına cevap bermesini talap ete. Bundan da ğayrı, qırımtatar halqınıñ tahminen 70 vekili işğalli "Qırım ükümeti" binası yanında toplaştılar.
"Qırım birdemligi" Facebookta bunı bildirdi.
Faalcilerden biriniñ aytqanına köre, qırımtatarlar QMDİ "musulmanlarnıñ namusını qorçalamaq musulman borcunı yerine ketirsin" dep isteyler.
"Yaqalanğan qadınlarnı Qırımda "Hizb ut-Tahrir" islâm siyasiy firqasınıñ faaliyetinde iştirak etüv ve teşkil etüvnen bağlı madde boyunca qabaatlaylar. Qabaatlavnıñ tafsilâtları şimdilik belli degil. Bugün tutulğanlarğa qorçalayıcı tedbir alına. Bu, Qırımda qadınlarğa qarşı açılğan "Hizb ut-Tahrir"nen alâqalı ilk dava", — dep haberde qayd etildi.
UPD // Qırımtatarlar Simferopoldaki (Aqmescitteki) işğalli "Qırım Cumhuriyeti Nazirler Şurası" binasına da keldiler.
"Delegatsiya qırımtatar halqınıñ vekillerini milliy ve diniy sebeplerden taqip etüvniñ toqtatılmasını talap ete. Qırım musulmanları diniy idaresi binası yanındaki eyyet kibi, insanlar Qırım memurlarından dört qırımtatar — Esme Nimetulayeva, Nasiba Saidova, Elviza Aliyeva ve Fevziye Osmanovanıñ tutulmasına cevap bermesini talap eteler", — dep "Qırım birdemligi" bildirdi.
Hatırlatamız ki, orta küz ayınıñ 15-nde saba işğal etilgen Qırımda FSB hadimleri dört qırımtatarnıñ evini tinttiler — Bağçasaray şeerinde, Holmivka (ZalanköyRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Dolınne (TopçıköyRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Orlivka (MamaşayRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köylerinde.
Tutulğanlarnıñ episi Simferopoldaki (Aqmescitteki) FSB idaresiniñ binasına ketirildi ve olarğa Rusiyede yasaq etilgen "Hizb ut-Tahrir" teşkilâtında iştirak etkenleri aqqında madde boyunca şübe bildirildi. Qorantalar ve balalar tuvğanlarınıñ nezareti altında qaldı.
Tutulğanlar aqqında ne bilemiz
Esma Nimetulayeva — beş balanıñ anası, 2023 senesi arman ayınıñ 23-nde işğalciler tarafından tutulğan ve Hizb ut-Tahrir davasınıñ beşinci Bağçasaray gruppasınıñ siyasiy mabüsi Remzi Nimetulayevniñ apayıdır.
Nasiba Saidova — pedagogika kolecinde oquğan, bala bağçasınıñ bebek gruppasında çalışqan qız, dep "Qırım birdemligi" bildirdi.
Fevziye Osmanova — tükân hadimi, onıñ evi Bağçasaray rayonınıñ Orlivka köyünde yerleşe.
Elviza Aliyeva Simferopoldaki (Aqmescitteki) fırında kasiyer olıp çalıştı, Qırım federal universitetiniñ dörtünci kursında "Menecment" ihtisasını ala.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
