Dmıtro Kupçık Qırımda doğdı, balalıqtan askerlik ne olğanını bile edi — ana-babası arbiy hızmetçiler edi. Oğlan Kıyivde tolu miqyaslı cenkni qarşıladı. Göñülli olaraq Bahmut civarında cenkleşe edi, Donetsk vilâyetiniñ Orlivka yanında elâk oldı.
Onıñ anası Olğa Kupçık şunı ayttı: oğlu balalıqtan askerliknen meraqlana edi. Rusiye Ukrayinağa tecavuz etkende cebe haberlerinden haberdar edi, "Azovstal" arbiy hızmetçilerinden ilham ala edi. O, oğlu, nasıl olğanı, ne içün hızmet etmege ketkeni aqqında Suspilne Qırım jurnalistlerine añlattı.
Qırımdaki Orlivkada büyüdi, Donetsk vilâyetindeki Orlivkada elâk oldı
Dmıtro Kupçıknıñ anası onıñ odasını kösterdi: şimdi anda er vaqıt çeçeçkler bar. Anda 19 yaşındaki Qırım sakini tolu miqyaslı tecavuznı qarşıladı — bu odadan göñülli olaraq devletni qorçalamağa ketti. Dmıtro, Donetsk vilâyetiniñ Orlivka köyündeki küreşte elâk oldı. 2003 senesi ise Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Orlivkada Dmıtro, ilk adımlarını yapqan edi.
"Nasıl aytqanlarını bilesiñizdir: Qırımda yaşağanlar Qırımnı körmeyler. Biz de öylemiz. Raatlanmağa kelgenler Qırımnı köreler. Küçük balalar — esasen olarnen keleler: parkqa keteler, maşnalarnen oynaylar, yalığa kete bileler", — dep Olğa Kupçık ayttı.
Dmıtronıñ anası ve babası sabıq arbiy hızmetçilerdir. Ana-babasınıñ hızmeti sebebinden qorantası Qırımda sıq-sıq köçip kelir edi.
"Babası hızmetke kete — ve balaları da hızmet etmege keteler. Babasınıñ aytqanına köre, olar kazarmada askerlerniñ yataqlarında yatqanlar ve askerlerniñ ketkenleri yerge ketkenler. Babası bir tehnika yanına kete — olarnen beraber, ve olar bu tehnika yanında bulunalar. O, balalıqtan berli bunıñ episini kördi. Belki de, o bala olğanda, onıñ asker olmağa istegi peyda oldı", — dep arbiy hızmetçiniñ anası ayttı.
Olğa şunı hatırlay: Qırımda Dmıtronı eñ çoq Ay-Petri dağı meraqlandıra edi. Anda, arbiy bölük yanında, qoranta bir müddet devamında zabitlerniñ evlerinde yaşadı.
"O yerde dağlarğa çoq çıqtıq — tüştik, köterildik, yürdik. O yer pek güzel edi. Anda yaşay edik, anda hızmet ete edik. Qar belden aşağığa qadar yağdı. Böyle qışlar Qırımda olğanına kimse inanmaz edi. Anda eki afta devamında iç bir yerge çıqıp olamay edik", — dep Olğa Kupçık añlattı.
2012 senesi babasınıñ hızmeti sebebinden qoranta Kıyivge köçti.
"Babası köçti, demek, bütün qorantası kete. Qırımnı terk etmege istemey edik. Qırımnı pek begendik. Biz anda yaşamağa alıştıq. Biz istemey edik, amma babası ketken edi, ve biz de onıñ peşinden kettik", — dep elâk olğan askerniñ anası tarif etti.
Kıyivde Dmıtro Kıyiv zenaat arbiy ve fizikiy azırlıq kollecine oqumağa kirdi
Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) Dmıtro mektepni bitirip, Kıyiv zenaat arbiy ve bedeniy azırlıq kollecine kirdi.
"O, doquzıncı sınıftan soñ arbiy urbasını kiymege istegen edi. O, formada yürmege, qaidelerge riayet etmege, tegizlemege sevgen. Cebi qapalı olsun — kerçek arbiy hızmetçiniñki kibi", — dep Olğa Kupçık ayttı.
Olğa şunı hatırlay: kollecden soñ Dmıtro arbiy hızmetni devam etmege istedi, amma ana-babası bunı red etti. O, Milliy naqliyat universitetine oqumağa kirdi, amma eki yıldan az qaldı — Rusiye istilâsı başlandı.
"O, özü içün çalar saatini qoya edi. "Çünki oğlanlar yalıñız yüreler, ve men olarnı deñiştirmeliyim", dedi. Olar bu yerde, meskün komplekste, er şeyni qoruy ediler. Eki künden soñ: "Ana, pasportnı ber". — "Ne içün pasport kerek?" — "O yerde Novusqa KamAZ avtomatlarını ketirecek, pasportnen beraber avtomat ala bilirsiñiz". Elbette, pasportnı oña berdim. Körüne ki, bala endi büyük oldı. "Dima, sen bu avtomatnen bir yerge ketme" oña ayttım", — dep Olğa Kupçık añlattı.
2022 senesiniñ baarinde Dmıtro ana-babasına orduğa qoşulmağa istegenini ayttı.
"O, Azovstalnıñ mudafaasını nezaret ete edi. Bu adamlar içün pek qasevetlene edi. "Ne qadar yahşılar! Ve duşman da yoq etile". O vaqıt, ğaliba, o, da bu kibi oğlanlarnen beraber olmağa istey edi, dep tüşündi", — dep Olğa ayttı.
2023 senesi saban ayında Dmıtro Bahmut mudafaasına qoşuldı
2023 senesi saban ayında Dmıtro Üçünci ücüm brigadası erkânında Bahmut mudafaasına qoşuldı. "Sevas" lâbağını aldı. Oğlan ana-babasını qorçaladı ve arqada çalışqanını ayttı.
"O, kâtip, kâğıtlarnı tercime ete — er vaqıt böyle aytqan edi. Üç-dört, beş kün devamında bağ yoq edi, bir şeyler yañlış olğanını tüşünmege başladım. Cenk maşnasınıñ komandanı, operator-nezaretçi — böyle sayıla edi. Biz añladıq ki, operator-nezaretçi ve mehanik-aydavcı olsa, olar, elbet de, bu kâğıtlar degil. Soñ, 2023 senesi ilk yaz ayında yaralanğanını ögrendik, amma bir şey aytmadı", — dep qadın ayttı.
Bahmut civarında Dmıtro viranelerge battı. Amma üç aftadan soñ o, sıralarda tura edi. Anasınıñ aytqanına köre, oğlu bu yaralanğanını aytmadı. Yıllar devamında bir kere bile tatil almay edi. Amma babasınıñ doğğan kününe kelip, sürpriz yaptı.
"O maña mektüp yazıp, babasınıñ işhanesine kirişniñ fotolarını çekip berdi: "Anda kuryer bekley". Men babasına telefon ettim: "Dima kuryerni yolladı, çıq". Babası çıqtı ve: "Mında kimse yoq, tek arbiy hızmetçi bar", — dedi. Ve men qulaqlıqta eşitem — Dima! Babası oğlunı tanımadı bile", — dep Olğa Kupçık ayttı.
2024 senesi saban ayınıñ 6-nda onıñ soñki uruşı oldı
Soñ Avdiyivkanı mudafaa ete edi. Olğa haberlerde Üçünci ücüm ordusınıñ bölükleri anda yerleşkenini bilgenini ayta. Soñ, olarnıñ oğlu da cebede cenkleşkenini ögrendiler.
"Dmıtro, Azovstal yigitlerine hayran edi, şimdi ise özü de aynı vaziyette buluna. Onıñ ile bağ yoq edi. Dmıtronıñ haber etkeni kibi, o, bağğa çıqtı. Soñ añladım — telefonnı ğayıp etti. Yaralanıp çıqtı. O vaqıt o, maña çoq yazışqan edi. Men: "Dima, yaralandıñmı?" — soradım. — "Ne içün? Men arqada çalışam", — dep arbiy hızmetçiniñ anası ayttı.
Avdiyivkadan çıqqan soñ, Dmıtronıñ bölügi ruslarnı Pokrovskqa yibermemek içün mudafaa ete edi. 2024 senesi saban ayınıñ 6-nda Orlivka köyünde yigit soñki uruşını keçirdi. Anası hatırlay: bir qaç kün evelsi oğlu ile mektüpleşken edi. O, ölüminden 15 daqqa evel çıqarılğan fotoresimni köstere.
"Bu, yaqın uruş edi. O, evge kirip, granata atmaq kerek edi, amma bir sebepten yapmadı. O, tüfek safına kirdi. Oğlanlar onıñ ölgenini kördiler, amma onı alıp olamadılar", — dep Olğa Kupçık ayttı.
Dmıtro Kupçık yarım yıl devamında ğayıp olğan sayıla edi. Oğlunıñ cesedini ana-babası tek ölülerni deñiştirgen soñ ve DNK ekspertizasından soñ defin ete bildiler. Ölgen soñ onı III derece "Cesürlik içün" nişanınen taqdirlediler. Anası dey ki, oğlunıñ hatırasını saqlamaq içün er şeyni yapacaq. Çünki Dmıtro sevgilisine ukrayin askerleri unutılacağından qorqqanını aytqan edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
