Qırım mesken-kommunal hocalığı naziriniñ işğalli muavini, Ukrayina devlet hazine hızmetiniñ QMCniñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonındaki idaresiniñ sabıq yolbaşçısı devlet hainligi ve duşmannen işbirlik faaliyeti içün 15 yılğa üküm etile bile.
Orta küz ayınıñ 10-nda Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bu aqqında haber etti.
Taqiqat malümatına köre, yarımada işğal etilgen soñ qabaatlanğan adam antnı bozıp, 10 yıl devamında "memuriyet" ve "nazirlik"te yolbaşçılıq vazifelerinde bulunğan işğalli organlarğa keçti.
Hususan, adam "Simferopol rayonı memuriyetiniñ maliye idaresi", "Simferopol rayonı hazinesi hızmetiniñ ve Qırım Cumhuriyetindeki Federal hazinesiniñ idaresi"nde, "Qırım Cumhuriyeti tasil, ilim ve gençlik nazirligi"nde çalıştı.
UHHniñ Qırım Muhtar Cumhuriyetindedeki Baş idaresiniñ malümatına köre, 2020 senesi oraq ayında qabaatlanğan adam "tasil naziriniñ muavini", 2023 senesi ilk küz ayından ise — bugünge qadar bulunğan "iş hocalığı naziriniñ muavini" vazifesini aldı.
"Böyle areketlernen "resmiy şahıs" istilâcı devletniñ siyasetini amelge keçirmege yardım ete ve yarımadanıñ vaqtınca işğal etilgen toprağında icra akimiyetiniñ işğalli organlarınıñ faaliyetini temin ete", — dep muhtariyet prokurorlığı bildirdi.
Açıq menbalardan alınğan malümatqa köre, al-azırda Qırım mesken-kommunal hocalığı naziriniñ muavini Andrey Klişçevskiy ola. O, Ukrayina devlet hazine hızmetiniñ Qırım Muhtar Cumhuriyetiniñ Simferopol (Aqmescit) rayonındaki idaresiniñ sabıq yolbaşçısı olaraq da qayd etile.
Hatırlatamız ki, Ukrayinada Rusiyeniñ "Rosteh" devlet şirketiniñ baş müdiri Sergey Çemezov ve Kreml oligarhı Yevgeniy Ginerni mahküm etecekler. Davanı DİN teşkerdi.
Taqiqatnıñ malümatına köre, qabaatlanğanlar işğalcilerge Qırımda energetika obyektlerini qurmağa yardım etken ve Rusiye ordusı içün arbiy patronlarnıñ çıqarılmasını teşkil etken ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
