İşğal etilgen Qırımda Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) limanından 27 biñ tonnadan ziyade hırsızlanğan ukrayin ububatı çıqarıldı. Rusiye gemisi Matros Koshka (IMO:9550137) Suriyege ketken yükni taşıy.
"Mırotvorets" merkeziniñ SeaKrime leyhasınıñ jurnalisti Katerına Yaresko bunı bildirdi.
Onıñ aytqanına köre, orta küz ayınıñ 3-nden 7-ne qadar Matros Koshka balkeri işğal etilgen Sevastopolda (Aqyarda) "Avlita" ububat terminalında yüklendi.
"Gemide 27 500 tonna ububat bar, esasen Zaporijjâ ve Herson vilâyetleriniñ işğal etilgen rayonlarından. Uquq bozucı Mısırğa ketkenini qayd ete, amma onı Suriyede körecegimizni tüşünemiz", — dep Yaresko qayd etti.
Bİİniñ War&Sanctions portalında qayd etildi ki, 2022 senesiniñ başından bu gemi Ukrayinanıñ vaqtınca işğal etilgen topraqlarından ukrayin ububatınıñ hırsızlanmasında muntazam surette iştirak ete. Hususan, Matros Koshka, Suriye, Türkiye ya da Kavkaz (Rusiye Federatsiyası) limanında keçit vastasınen, AIS signalını sıq söndürerek, ububat ketire.
Bundan da ğayrı, öz faaliyetini gizlemek içün gemi, Sevastopol (Aqyar) körfezine kirgende ya da çıqqanda, "Mariya Yermolova" adını qullana — bu, IMO:9573816 nomeralı diger gemide olğan addır.
Hatırlatamız ki, ZAFAR balkeri 2025 senesi ilk küz ayınıñ 21-28 künleri işğal etilgen Sevastopolda (Aqyarda) "Avlita" ububat terminalına tahminen 30 biñ tonna ukrayin boğdayını yükledi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
