İşğalli Qırım mahkemesi Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini "aşırıcılıq faaliyetine çağıruvlar" içün müstemlekede 1 yılğa üküm etti.
Orta küz ayınıñ 6-nda Qırım "prokurorlığı" Telegram kanalında bunı bildirdi.
Bundan da ğayrı, adamğa 1 yıl ve 6 ay devamında saytlarnı idare etmek yasaq etildi.
"2025 senesi 37 yaşındaki adam, içtimaiy ağlarda bir qaç kere millet mensüpligine köre zorbalıq areketlerine çağırğanı belli oldı", — dep haberde bildirildi.
Hatırlatamız ki, orta küz ayınıñ 6-nda işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "aşırıcılıq faaliyetine açıq çağıruvlar"da şübelengen 39 yaşındaki yerli sakin tuttılar. Rusiye havfsızlıq hızmetiniñ malümatına köre, adam ukrayin kanalında "Rusiye ordusına qarşı zorbalıqqa çağıruvlarnen tefsirlerni derc etti".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
