"Mahsus cenk ameliyatı2022 sensinden Rusiyeniñ Ukrayinağa tecavuzını añlatmaq iün Rusiye reberliginiñ yaratqanı ve teşviqat menbalarınıñ qullanğanı teşviqat efimizmi" bitecegine qadar işğal etilgen Qırımda tek bu mevzuğa divar resimlerini yapmağa izin berildi. Böylece, evlerde ve binalarda tek rusiye arbiy hızmetçilerinen tasdıqlanğan resimler olacaq.
Qırım Delet genç siyaset eyyetiniñ işğalli reisi Aleksey Zinçenko bu aqqında haber berdi, dep TASS rusiye devlet agentligi bildirdi.
"Biz, divar resimleriniñ bir şeerniñ sakinleri ve musafileri içün mefküre qısmı olmasını isteymiz. Bizim açıq-aydın nazar noqtamız bar: biz ğalebe qazanacağımızğa qadar mahsus cenk ameliyatı bitiriecegine qadar bütün evler ve binalarnıñ divarlarındaki resimlerimiz vatanperver mevzusına köre yapılmalı. Biz medeniyetke qarşı degilmiz, qarşılıqqa qarşı degilmiz, amma şimdi prioritetimiz öyledir", — dep işğalli reis jurnalistlerge bildirdi.
Hatırlatamız ki, 2022 senesi ruslar, işğal etilgen Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) poçta bölügi binasınıñ divarında "SVOa qoltutucı" resimni yaptılar, amma tanış olmağan insanlar onı qırmızı boyanen bozdılar. Şeerniñ işğalli başı Afanasyev bu aqqında haber berdi.
Keçenlerde Qıımtatar Resurs Merkezi haber berdi ki, işğal etilgen Qırımda sözde "SVO" iştirakçileri yerli sakinlerden ayrı munasebet ve farqlı imtiyazlarnı talap etip, öz statusını sıq-sıq qullanalar.
Hatırlatamız ki, Milliy muqavemet merkezi be USQniñ Mahsus operatsiyalar quvetleri Qırım yalısınıñ cenübiniñ çeşit yerlerindeki binalarnıñ divarlarında resim yapıp, "Qırım — Ukrayinadır" yazdılar ve qarşılıq areketiniñ timsalleriniñ resimlerini yaptılar. Olar bunı arman ayınıñ 23-nde qayd etilgen Ukrayina devlet bayrağı kününe yaptılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
