Milliy tirenüv merkezi ve USQ mahsus areketler quvetleriniñ vekilleri Qırımnıñ cenübiy yalısınıñ çeşit yerlerinde "Qırım – Ukrainadır" şiarları ve tirenüv areketiniñ timsalleri ile divarlarnı boyaladılar. Olar bunı arman aynıñ 23-te qayd etilgen Ukraina milliy bayrağı künü içün yaptılar.
Bu aqta USQ Mahsus areketler Quvetleriniñ Telegram-da haber ettiler.
İşğal etilgen Qırımda Ukraina Silâlı Quvetleriniñ mahsus areketler Quvetleriniñ Tirenüv Areketi ve Milliy Tirenüv Merkezinden "Tirenüv muralleri" mural leyhası çerçivesinde tasvirler peyda oldı.
"Qırım divarlarında "Rus tınçlığı" efsanesini bozıp, qarşılıq kösterüvge bağışlanğan eserler peyda ola. Cenübiy yalıda faalciler parlaq vatanperverlik obrazlarını - "Qırım – Ukrainadır" şiarlarını, em de Ukraina MRQ-niñ Qarşılıq kösterüv areketiniñ timsallerini qaldıralar. Bu körüntili haberler halqımıznıñ quveti ve cesaretine şaatlıq ete, o, terror ve taqiplerge baqmadan, Ukrainanıñ mında olğanını, o Qırımnıñ yüreginde canlı olğanını köstermekniñ çaresini tapa. Tirenüv areketi, Qırımnıñ deokkupatsiyası oğrunda areket etmege ve küreşmege devam ete", — dep, qayd ettiler USQ MRQ-de.
Hatırlatamız ki, bugün, arman aynıñ 23 künü "Sarı şerit" areketiniñ faalcileri arman aynıñ 23, Ukraina milliy bayrağı künü işğal etilgen Simferopolde (Aqmescit)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı – demiryol rayonında Ukraina bayrağını köterdiler.
Bundan da ğayrı, 2025 senesi arman aynıñ 23-te areketniñ faalcileri işğal etilgen Sevastopol (Aqyar)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı ve Yevpatoriyada (Kezlev)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı ukrain timsallerini tarqattılar.
Ve Qırımda kollaboratorlar yaşağan evlerniñ üstüne Ukrain gizliliginiñ vekilleri olarnıñ faaliyeti belli olğanı aqqında haberdarlıq yazılğan kâğıtlarnı astılar.
Telegram, WhatsApp, Facebook ve YouTube-ta Suspilne Qırım haberlerine abune oluñız
