İlk küz ayında işğal etilgen Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) tibbiy ve tasil saasındaki bücet hadimleri eksiltilgen aylıq aldılar. İşğalciler ne ocalarnı, ne de tibbiyet hadimlerini aylıqlarnıñ qısqartıluvı aqqında evelden haberdar ettiler.
Telegramda "Sarı Şerit" qarşılıq areketi bunı bildirdi.
"Yarımadada aylıqlar aman-aman bütün bücet sektorlarında qısqartıldı — bir haber bermeyip. Resmen ödevler keçken aylarnıñ seviyesinde qalmalı olsa da, amelde Qırım bücetinde para yoq", — dep "Sarı şerit"niñ Simferopoldan (Aqmescitten) tibbiy ve tasil saası faalcileri bildirdiler.
Areketniñ menbalarına köre, işğal etilgen Qırımnıñ bücet qıtlığı Rusiyeniñ çoqusı bölgesinden büyüktir.
Hatırlatamız ki, Milliy muqavemet merkeziniñ bildirgenine köre, işğal etilgen Simferopolda (Aqmescitte) eñ az 32 şirketniñ hadimleri asğariy aylıq alalar. Bu qorçalayıcılar, yolcu ve yük naqliyatınıñ aydavcılarına aittir.
Bu arada işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye kontrolindeki "qanun çıqarıcı toplaşuv" yerli iş bergenlerni "SVO iştirakçileri" içün iş yerlerini ayırmağa mecbur etken qanun leyhasını qabul etti. Vesiqa bir kereden eki oquvda qabul etildi. O, 2015 senesiniñ saqatlılar ve içtimaiy yardımğa muhtac olğan vatandaşlar içün iş yerlerini ayırmaq qanunına deñişmeler kirsete.
Yañı qaidelerge binaen, iş bericiker Ukrayinağa qarşı cenk areketleriniñ iştirakçileri içün mahsus iş yerlerini açmalılar ve ayırmalılar. Em de iş hızmetleri iş qıdırğan vaqıt er bir iş adamına şahsiy yardım köstermeliler.
Orta küz ayınıñ 1-nde işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) aydavcılarnıñ yoqluğı sebebinden üç marşrut lâğu etildi. 2-nci, 4-nci, 7-nci marşrutlardaki seferler aqqında söz yürsetile. İşğalli "Krımtrolleybus" müessisesi aydavcılarınıñ yetmegenini, çalışqanlarınıñ ise hasta olğanlarını tanıdı.
Em de acele yardım taqımlarında aydavcı yoq. İşğalciler, aydavcılarnı işke celp etmek içün, ihtisas talaplarını eksiltkenlerini bildirdiler. Onıñ yerine deñişken cedvel ve daa çoq para vade eteler.
İşğalciler, mektep avtobuslarınıñ da aydavcılarınıñ yetmegenlerini tanıdılar. 547 mektep avtobusınıñ tek yarısında aydavcı bar. Milliy muqavemet merkezi bildirdi ki, işğalciler aydavcılarnı askerlikke çağıralar.
İşğal etilgen Sevastopol (Aqyar), Simferopol (Aqmescit) ve Yalta şeerlerinde de azbar hızmetçileri, aydavcılar, kommunal hocalıq hadimleri yetmey, çünki işğalciler olarnı cenkke mecburen celp eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
