İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) eñ az 32 şirketniñ hadimleriniñ aylığı azamiy seviyeden küçüktir. Bu qorçalayıcılar, yolcular ve yük maşnalarınıñ aydavcılarınıñ aylıqlarıdır.
Milliy muqvemet merkezi bunı bildirdi.
"İşğalciler, insanlarnı aş içün bile yeterli olmağan paralar tölep, yaşayış sıñırından tış qaldıralar. Bu istisna degil de, qaidedir: Kreml içün yerlilerniñ işi er vaqıt yaşayış azlığından aşağı ola", — dep haberde qayd etildi.
Hatırlatamız ki, işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye kontrolindeki "qanun çıqarıcı toplaşuv" yerli iş bericilerni "SVO iştirakçileriUkrayinağa qarşı cenk iştirakçileri" içün iş yerlerini ayırmağa mecbur etken qanun leyhasını qabul etti. Vesiqa bir kereden eki oquvda qabul etildi. O, 2015 senesiniñ saqatlılar ve içtimaiy yardımğa muhtac olğan vatandaşlar içün iş yerlerini ayırmaq qanunına deñişmeler kirsete.
Yañı qaidelerge binaen, iş bericiler Ukrayinağa qarşı cenk areketleriniñ iştirakçileri içün mahsus iş yerlerini açmalılar ve ayırmalılar. Em de, iş hızmetleri iş qıdırğan vaqıt er bir iş adamına şahsiy yardım kösterecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
