Qırımda işğalli akimiyet mesken-kommunal hocalığınıñ hadimlerini, hususan azbar hızmetçisi ve aydavcılarnı askerlikke kütleviy çağırıla. Olarnı RF ordusınen añlaşmalarnı imzalamağa zorlaylar.
Milliy muqavemet merkezi (MMM) bunı bildirdi.
"İşğalli Qırım memuriyeti kommunal hızmetleriniñ kritik qıtlığını resmiy şekilde tanıdı. Sebebi, "aşağı aylıq ve çoq iş"tir. Amma kerçek başqa: azbar hızmetçisi, aydavcı, kommunal hocalıq hadimleri Rusiye ordusına askerlikke kütleviy çağırıla. Añlaşmalarnı imzalamağa mecbur eteler. Redd etüv — bu qorquzuv, işten boşatuv ya da mecburiy askerlikke çağırıla", — dep aytıla haberde.
Eñ ciddiy vaziyet, QMMniñ malümatına köre, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Yaltada.
Qırımda azbar hızmetçileriniñ qıtlığı aqqında "Sputnik v Krımu" radiosında "JKH-kontrol" kommunal şirketiniñ müdiriniñ muavini Oleğ Bışuk tarif etti. Kerçekten de, sebeplerden biri olaraq o, az aylıq ve insanlarnıñ qapıçılarnıñ işini qıymetlendirmegeni aqqında ayta edi.
Hatırlatamız ki, "Hiç kimse" studentler areketi, işğalciler Qırımda studentlerge askerlikke kütleviy çağıruvnı quvetleştirgenini bildirdi. Hususan, Qırım federal universitetinde, red etilgen erkek studentlerge birden askerlikke kütleviy çağıruv arizaları berile.
"Ocalar — kafedra reberleri — er bir starostadan, er kes nasıl oquğanını ve bir de bir fenlerniñ eksilüv ihtimalını yazmasını rica ettiler. Çünki üç imtian bermemesi — bu endi universitetten garantiyalı çıqarılmaq emridir, bu aliy oquv yurtunıñ qaidelerinde yazılğan", — dep aytıla haberde.
Kiçik ayda MMM bildirdi ki, işğal etilgen Qırımda Keriç devlet deñiz tehnik universitetiniñ talebeleri arbiy cedvelge alınmağa mecbur eteler. Bunı yapmağanlarğa stipendiyalar berilmeyceginen qorqutalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
