İşğal etilgen Qırımda yerli sakinge qarşı "devlet hainligi" ve "patlayıcı maddelernen qanunsız areket etüv" aqqqında dava açıldı. Adamnı Ukrayina istihbaratına fotoresim, video ve yarımadadaki eki S-300 zıddiyet-raketa kompleksiniñ koordinatlarını berüvde qabaatlaylar. Onı apiske aldılar.
Orta küz ayınıñ 3-nde RİA "Novosti" Rusiye teşviqat haber agentligi, Rusiye FSBsiniñ Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerindeki işğalli bölügine esaslanıp, bunı bildirdi.
"Rusiye Federatsiyasınıñ Qırım Cumhuriyetindeki Federal havfsızlıq hızmeti, yarımadadaki arbiy obyektler aqqında istihbarat malümatını toplamaq ve diversiya-terror areketlerini azırlamaq içün Ukrayina Mudafaa nazirliginiñ baş istihbarat idaresi tarafından celp etilgen 1972 senesi doğğan Rusiye vatandaşına qol tuttı", — dep haberde qayd etildi.
FSB qayd etti ki, adamdan çetelde yapılğan bir kilogrammdan ziyade plastik patlayıcı madde, eki patlav cihazı, elektropatlatıcı ve "kuratornen gizli bağ içün bağ vastaları" tutıp alındı.
"Qabaatlanğan şahıs Ukrayina mahsus hızmetleriniñ vazifesi boyunca qanunsız faaliyeti aqqında malümat berdi, oña qarşı tevqif şeklinde tedbir alındı", — dep Rusiye mahsus hızmeti qoştı.
Keçenlerde işğal etilgen Sevastopolda (Aqyrada) ukrayin iştihbaratınen işdeşikte qabaatlanğan qadın tutuldı. Bundan ğayrı, qayd etildi ki, o baş aşçı olaraq çalışqan ve "RF arbiy hızmetçilerini zeerlemege planlaştırğan" edi. Qadın tevqif etildi ve oña qarşı "devlet hainligi" aqqında dava açıldı.
"Qırım uquq qorçalayıcı gruppası"nıñ başı Olğa Skrıpnık qayd etti ki, işğal etilgen Qırımda rusiye akimiyeti qadınlarğa qarşı repressiyalarnı quvetleştire: daa sert ükümlerni çıqara, "devlet haimligi" ve "casuslıq" maddelerini qullana, balalarını da almağa qorquta. Aynı zamanda siyasiy mabüslerge kerekli tibbiy yardım bermemege devam ete, bu ise olarnıñ ayatlarını telükege oğrata.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
