Orta küz ayınıñ 3-nden 5-ne qadar işğal etilgen Qırımda fevqulâde yanğın telükesi sebebinden acele ihtar ilân etildi. Eñ büyük telüke yarımadanıñ ğarbiy, merkeziy ve şarqiy rayonlarında qalacaq.
Rusiye FVNniñ İşğalli Qırımdaki idaresi bu aqqında haber etti.
İşğalli qurtarıcılar sakinlerni ve raatlanıcılarnı quru ot ve çöplükni yaqmamağa, yanıqsız qalğan şeylerni atmamağa çağırdılar, ayrıca mahsus yanğın rejiminiñ qaidelerini bozğanlar içün memuriy mesüliyetke çekileceklerini hatırlattılar.
Aynı vaqıtta, orta küz ayınıñ 2-nde Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ işğalli FVN, ilk yaz ayından berli sıcaq ve quru ava sebebinden ormanlarğa ve Büyük Sevastopol yoluna barmaq yasağını lâğu etti.
Hatırlatamız ki, yaqında yarımada şiddetli yel ve yağanaqlardan zarar kördi. İşğalciler qırılğan ağaçlarnı temizleyler, elektrik ağlarındaki yarıqlarnı, yağmurnen batqan topraqtan yollarnı temizleyler. Yerli sakinler çoq qatlı evlerniñ damlarında suv aqqanından şikâyet ete ediler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
