İşğal etilgen Qırımda ava bozuldı — yarımadanıñ şimalinde yağanaqlar ve küçlü yeller. İşğalciler tüşürilgen tereklerni temizleyler, elektrik ağlarındaki qazalarnı yoq eteler, yağmur yağan yollarnı temizleyler. Yerli sakinler çoq qatlı evlerniñ damlarında suv aqqanından şikâyet eteler. İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) şikâyetlerni qabul etken "operativ ştab" çalışıp başladı.
İşğalli Sevastopol (Aqyar) "gubernatorı" Razvojayev bunı bildirdi.
Razvojayevniñ malümatına köre, ilk küz ayınıñ 18-nde saba işğal etilgen Sevastopolda (Aqyarda) şeerniñ eki rayonında rüzgar ağaçlarnı tüşürdi, Kozaçınske şossesine suv basqanı sebebinden 10-ncı trolleybusnıñ areket tertibi deñiştirildi ve "Qamış körfezi" durağına Kozak körfezi mikrorayonına kirmeden ketecek, 5 çoq qatlı evniñ sakinleri damlarından suv aqqanından şikâyet ettiler. "Yalta-Sevastopol" qara yolunda da yağmur yağdı.
İlk küz ayınıñ 18-de, kündüz, işğalciler şimaliy-ğarbiy yelniñ 20-25 m/s süratınen quvetleşecegini tahmin eteler.
Saat 7-den başlap Sevastopoldaki (Aqyardaki) reyd çalışmağa toqtadı.
İşğalli "Krımenergo"nıñ haber etkenine köre, ağlarda qaza sebebinden Bağçasaray, Kaygador (Ordconikidze), Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Qurman rayonınıñ Mırolübivka köyünde, Aluşta, Yalta, Sudaq, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde, Canköy, Simferopol ve Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında elektrik yoq.
"Elektrika ağlarında qazalarnıñ olması ihtimali yüksek olğanı içün yüksek azırlıq rejimi kirsetildi — qoşma tamir brigadaları teşkil etildi, kerekli tehnika ve malzemeler azırlandı", — dep işğalli "Krımenergo" bildirdi.
UPD// İşğal etilgen Yaltada mektep talebelerine derslerge barmamağa izin berildi, dep RİA "Novosti Krım" haber berdi.
Hatırlatamız ki, işğalciler Qırımda ilk küz ayınıñ 17-19 künleri fevqulâde vaziyet aqqında ilân ettiler ve fevqulâde vaziyetlerniñ ihtimali yüksek olğanını tenbilediler.
"İlk küz ayınıñ 17-nde aqşam cenübiy tsiklon şekillengeni sebebinden ilk küz ayınıñ 18-nde ve 19-nda gece Qırımda yağmur yağacaq, bazı yerlerde küçlü yağmurlar yağacaq (30 mm-den ziyade), furtuna, burçaq yağacaq. Şimaliy-ğarbiy yel 15-20 m/s, 25 m/s qadar quvetleşecek. Qırım özenlerinde suv seviyesi 0,5-1,5 metrge artacaq, amma telükeli derecege yetmeycek", — dep Qırım FVNniñ haberinde bildirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
