İşğalciler Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini devlet hainliginde qabaatlap, 14 yılğa mahküm ettiler.
İşğalli Qırım FSBne atfı etip, RİA "Novosti Krım" bu aqqında haber etti.
İşğalli tahqiqatnıñ malümatına köre, o, para içün Ukrayina mahsus hızmetlerinen işbirlik tuttı.
"Telegramda yazışqan edi. O, foto çıqara ve duşmanğa Qara deñiz flotunıñ gemileri, em de Rosgvardiya vertolötlarınıñ yerleşmesi ve areketleri aqqında malümat bere edi", — dep haberde qayd etildi.
O, apis cezasını sert rejimli müstemlekede keçirecek. Bundan ğayrı, adamğa da 200 biñ ruble (60 biñ ğrıvnâ) para cezası berildi.
Hatırlatamız ki, ilk küz ayınıñ 16-nda işğalciler Sevastopol (Aqyar) sakinini aşırıcılıta ve terrorizmni aqlağanında qabaatlap yaqaladılar. Onı yedi yılğa qadar apis cezası bekley, dep RİA "Novosti Krım", işğalli Qırım FSBne esaslanıp, bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
