İşğalciler Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakinini aşırıcılıqta qabaatlap, terrorizmni aqlağanı içün yaqaladılar. Onı yedi yılğa qadar apis cezası bekley.
İşğalli Qırım FSBsine atfı etip, RİA "Novosti Krım" bunı bildirdi.
"Ukrayina tarafdarı olğan çatlarda adam Qırım köprüne ve prezidentniñ rezidentsiyasına ücüm etmege çağırdı. Bundan ğayrı, o, ruslarğa qarşı zorbalıqnı teşviq ete ve USQniñ Kursk vilâyetindeki areketlerini aqlay edi. Anonim saifelerniñ qullanuvı qabaatını körmemezlikke urmadı — adamğa yedi yılğa qadar azatlıqtan marum etüv cezası berile bile", — dep haberde qayd etildi.
Saban ayında "Tribunal. Qırım epizodı" adlı uquq qorçalayıcı teşebbüsiniñ malümatına köre, yarımadada Ukrayina tarafdarı olğanları ya da Rusiye arbiy tecavuzını tenqit etkenleri içün tutulğanlarnıñ sayısı arttı. Böylece, bu qış devamında üç böyle dava, saban ayınıñ ayınıñ soñunda daa eki dava qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
