İşğal etilgen Aluştağa ve onıñ civarındaki köylerge üç künge — ilk küz ayınıñ 23-ü saat 08:00-den ilk küz ayınıñ 26-sı saat 19:00-ğa qadar — gaz berilmeycek. İşğalciler tamir işleri sebebinden qapatılğanını añlattılar.
"Krımgazseti" işğalli müessisesi bunı bildirdi.
"Sıñırlavlar Aluşta, ve İzobilne, Nıjnâ Kutuzivka, Verhnâ Kutuzivka, Lavanda, Luçıste, Semıdvıirya, Malıy Mayak, Vınoğradne, Utös, Bondarenkove, Lazurne, Puşkine, Kıparısne, Çayka köylerine tesir etecek", — dep haberde. qayd etildi
Hatırlatamız ki, aman-aman bir afta devamında — arman ayınıñ 26-ndan ilk küz ayınıñ 1-ne qadar — işğal etilgen Qırımnıñ Qurman rayonınıñ 25 köyünde gaz berilmesi toqtatıldı.
İşğal etilgen Qırımda da suv kesile. Bu yaz Qırımnıñ on rayonında suv qıtlığı sebebinden fevqulâde vaziyet ilân etildi.
İşğalli akimiyet bu buhranı quru yaznen añlata. Ukrayina mütehassıslarınıñ fikirince, sebepler daa teren.
"Qırımnıñ büyük yapma gölleriniñ çoqusı içün suv bir qaç ayğa qaldı, dep aytmaq mümkün", — dep Geomalümat sistemaları laboratoriyasınıñ müdiri Serğiy Ğapon bildirdi.
Qırımdaki Körbekülİzobilne yapma gölüniñ suv yedekleri 4,8 mln m3 teşkil ete, bu ise, "Voda Krıma" işğalli müessisesiniñ reberi Maksim Novikovnıñ bildirgenine köre, tolu miqdarınıñ 38%-ini teşkil ete.
İşğal etilgen Aluştada suv qıtlığı sebebinden soqaqlarda suv anbarları quruldı. Çapçaqlardan tehnikiy ihtiyaclar içün suv almaq mümkün. Arman ayınıñ 6-nda Aluşta memuriyetiniñ işğalli yolbaşçısı Galina Ogneva bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
