"Ateş" arbiy-partizan areketiniñ agentleri RF Qara deñiz flotunıñ Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) oquv merkezi yerleşken 34685-nci arbiy qısmınıñ toprağında Hutor Lukomskıy civarında pek çoq antenna tapılğanını bildirdiler. Partizanlar merkezni flotnıñ areketlerini idare etmek içün müim dep adladılar.
İlk küz ayınıñ 12-nde areket, öz X saifesinde bunı bildirdi.
Hususan, HF-alıcılar, VHF/UHF sistemaları, uydu tabaqları ve keñiş sızıqlı idare etilgen qurulışlar qayd etildi.
Obyekt bağ, navigatsiya, nezaret ve radio yaqalavı, em de Rusiye Federatsiyasınıñ Qara deñiz flotunıñ mütehassıslarını azırlamaq içün qullanıla.
"Agentlerimiz, obyekt flotnıñ areketlerini teşkil etmek ve idare etmek içün müim olğanını tasdıqlaylar", — dep haberde qayd etildi.
Hatırlatamız ki, ilk küz ayınıñ 10-nda Bİİniñ mahsus hızmetçileri RF Qara deñiz flotuna ücüm etti. Ukrayin uçucısız uçaq aleti Novorossiysk civarında MPSV07 gemisine ücüm etti. 60 million dollarlıq geminiñ radar ve navigatsiya cihazları yoq etildi.
Daa evel işğal etilgen Sevastopol (Aqyar) civarında "ATEŞ" arbiy-partizan areketiniñ agentleri RF Qara deñiz flotunıñ Qırımdaki terk etilgen noqtasını taptılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
