"Ateş" arbiy-partizan areketiniñ agentleri işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında Rusiye Federatsiyasınıñ Qara deñiz flotunıñ arbiy-tehnikiy noqtasını taptılar. Partizanlar naqliyatnıñ baqılmağan ve qoruvsız olğanını qayd ettiler. Olarnıñ fikrince, bu, işğalcilerniñ yedek parçaları ve tamir beceriklerinen bağlı meseleler ola bile.
Areket Telegramda bunı bildirdi.
"Agentlerimiz Qırımdaki 44.56485, 33.52116 koordinatlarında RF Qara deñiz flotunıñ arbiy-tehnik noqtasını taptılar. Anda körgenimiz pek şaşılacaq bir şey: tehnikanıñ çoqusı eski, areketsiz ve baqılmay qaldı. Bir çoq maşna endi çoqtan bozulğan ve qoruvsız qala", — dep "ATEŞ" bildirdi.
"Ateş" arbiy-partizan areketiniñ temsilcileriniñ fikirince, bu vaqia "Rusiye flotunıñ yedek parçaları qıtlığı, tamir ve teminlev meselelerinden zarar körgenini, operativ areketlilik ve uruş qabiliyeti kritik seviyede olğanını" köstere.
"Arbiy deñiz flotu eski tehnikasını yedek olaraq qullanıp, biraz imkânlarnı saqlamağa tırışa, amma bu, duşman arbiy maşnasınıñ resursları ve zayıflığını köstere. ATEŞ bu obyektni nezaret etmege devam ete — bu kibi yerler işğalcilerniñ kerçek vaziyetini köstere", — dep "ATEŞ" qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
