İlk küz ayınıñ 11-14 künlerine işğal etilgen Qırımda fevqulâde vaziyet ilân etildi. Yarımadada fevqulâde yanğın telükesi rejimi devam etecek.
İşğalli Qırım FVN bu aqqında haber etti.
Bundan ğayrı, quru ot ve çöplükni yaqmamağa ve yanıqsız qalğan şeylerni atmamağa çağıralar. Nazirlik qoştı ki, mayısnıñ 1-den itibaren Qırımda yanğınğa qarşı mahsus rejim çalışa.
Hatırlatamız ki, Qırımda küçlü yağanaqlar ve şiddetli yel sebebinden ilk küz ayınıñ 10-nda 15 238 abuneci elektriksiz qaldı. Eñ çoq zarar Keriç (eski Lenin), Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonları ve Yalta şeeri kördi.
Bundan ğayrı, işğal etilgen Qırımnıñ Canköy rayonında ilk küz ayınıñ 10-nda yağğan yağmur ve tarlalardan suv çıqqanı sebebinden eñ az 26 azbar suv astına tüşti. Eñ çoq zarar körgen köy Kondratiyevo, anda eki soqaqnıñ 22 yeri suvnen tolu. Daa dört topraqnı qomşu Rısakovo köyünde suv bastı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
