İşğal etilgen Qırımda küçlü yağanaqlar ve şiddetli yel sebebinden ilk küz ayınıñ 10-nda 15 238 abuneci elektriksiz qaldı. Eñ çoq zarar Keriç (sadıq Lenin), Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonları ve Yalta şeeri kördi.
İşğalli Qırım Energetika nazirligi bunı bildirdi.
"Qırım Cumhuriyetiniñ bir sıra meskün yerinde şiddetli yağanaqlar ve 22 m/s qadar yel sebebinden elektrik energiyasınıñ berilmesi vaqtınca sıñırlandı. Elektrik energiyası yoq etildi: 145 transformator stantsiyası, 5 005 teminlev noqtası (15 238 insan)", — dep haberde qayd etildi.
Facia bölükleri elektrik teminatını ğayrıdan tiklemek içün çalışa, dep qoştılar.
Hatırlatamız ki, işğal etilgen Qırımda telükeli gidrometeorologik adiseler aqqında acele ihtar ilân etildi. İşğal etilgen Qırım gidrometeorologiya ve etraftaki müitniñ nezareti idaresiniñ malümatına köre, ilk küz ayınıñ 10-nda ve ilk küz ayınıñ 11-nde gece yarımadada yağmur, bazı yerlerde pek küçlü (30-50 mm) furtuna, burçaq ve boranlı yel beklenile.
Bundan da ğayrı, işğal etilgen Qırımnıñ Canköy rayonında ilk küz ayınıñ 10-nda yağğan yağanaqlar ve tarlalardan suv çıqqanı sebebinden eñ az 26 ev azbarı suv astına tüşti. Eñ çoq zarar körgen köy Kondratiyevo, anda eki soqaqnıñ 22 yeri suvnen tolu. Daa dört topraq qomşu Rısakovo köyünde suvğa battı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
