Ruslar, ana-babaları Ukrayinağa qarşı cenkte elâk olğan ya da ğayıp olğan 4 yaşından 17 yaşına qadar balalarnı işğal etilgen Yevpatoriyağa (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adge) alıp keldiler. Epileri Rusiye Federatsiyasınıñ Kursk vilâyetinden keldi.
RİA "Novosti Krım" bunı bildirdi.
"Babası ya da anası elâk olğan, ya da ğayıp olğan 4-17 yaşındaki balalar Yevpatoriyadaki (Kezlevdeki) komplekslerden birinde körüştiler. "SVOMahsus cenk ameliyati — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ 2022 senesinden başlap Ukrayinağa istilâsını tasvir etmek içün qullanılğan teşviqat efemizmidir. qaramanları"nıñ qorantaları eki yıldır Qırımda raatlanalar. Keçken sene olar Sudaqta raatlana ediler", — dep haberde qayd etildi.
Kursk vilâyetindeki "Vatan imayecileri" Telegram kanalında yazılğanı kibi, "bir gruppa bala işğal etilgen Yevpatoriyadaki "Mriya" şifahanesine yerleştirildi.
Hatırlatamız ki, oraq ayınıñ soñunda işğalciler tarafından işğal etilgen Qırımnıñ cenübiy yalısındaki lagerlerde yaz tatilini keçirmege söz berilgen Qırım mektep talebeleri, yerler yetmegeni sebebinden, soñki anda Rusiyeniñ Penza vilâyetine yollanıldı. Ana-babalarğa balaları evlerinden biñlernen kilometr uzaqlığında olğanını aytqanlar, dep "Sarı şerit" areketiniñ faalcileri bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
